قازاقستاندىق جاس ەنشٸ ەرجان ماكسيم «Junior Eurovision 2019» حالىقارالىق ەن بايقاۋىنا قاتىسادى. بۇل تۋرالى قر اقپارات جەنە قوعامدىق بادۋ مينيسترٸ دەۋرەن اباەۆ مەلٸمدەدٸ, دەپ حابارلايدى "ۇلت اقپارات".
«قىمباتتى دوستار! قازاق بالاسى «Junior Eurovision 2019» حالىقارالىق ەن بايقاۋىنا قاتىساتىن بولدى. دٷنيەجٷزٸ نازار اۋداراتىن ەن دوداسى 2019 جىلدىڭ 24 قاراشاسىندا پولشانىڭ گليۆيتسە قالاسىندا ٶتەدٸ.
«حابار» اگەنتتٸگٸنٸڭ ەۋروپالىق حابار تاراتۋ وداعىنداعى مٷشەلٸگٸنٸڭ نەتيجەسٸندە قازاقستان ٶكٸلٸنٸڭ وسى بايقاۋعا قاتىسۋ تۋرالى بەرگەن ٶتٸنٸشٸ قابىلدانعانىن ايتا كەتۋ كەرەك. بيىلعى بايقاۋدا بٸزدٸڭ ەلدٸڭ نامىسىن دارىندى بالامىز ەرجان ماكسيم قورعايدى», - دەپ جازدى مينيستر Facebook-تەگٸ پاراقشاسىندا.
قازاقستان بالالاردىڭ Eurovision بايقاۋىنا وسىمەن ەكٸنشٸ رەت قاتىسقالى وتىر. ٶتكەن جىلى مينسك قالاسىندا ٶتكەن بايقاۋدا دانەلييا تٶلەشوۆا ٶنەر كٶرسەتكەن ەدٸ.
ايتا كەتەيٸك, دارىندى ەنشٸ ەرجان ماكسيم رەسەيدٸڭ «بٸرٸنشٸ» ارناسىنداعى «گولوس. دەتي» بايقاۋىنا قاتىسقاننان كەيٸن, ونىڭ قازاقستاندا جەنە ٶزگە ەلدەردە تانىمالدىلىعى ارتتى. سۋپەرفينال نەتيجەسٸ بويىنشا ول ەكٸنشٸ ورىن العان بولاتىن. بٸراق كەيٸن داۋىس بەرۋ قورىتىندىسىنا بايلانىستى داۋ تۋىندادى. تەلەارنا باسشىلىعى بايقاۋدىڭ التىنشى ماۋسىم نەتيجەسٸن قايتا قاراپ, ونى جوققا شىعاردى. سٶيتٸپ كونكۋرستىڭ ارنايى شىعارىلىمىن ٶتكٸزۋ جٶنٸندە شەشٸم قابىلدانىپ, ە.ماكسيم ونىڭ جەڭٸمپازى بولىپ تانىلدى.
ال ماۋسىم ايىنىڭ سوڭىندا جاس ەنشٸ نۇر-سۇلتان قالاسىندا العاشقى جەكە كونتسەرتٸن بەردٸ.
