«Golos. Deti» jobasynyń altynshy maýsymynyń júldegeri, 11 jasar qazaqstandyq Erjan Maksimge Alla Pýgacheva «Alla Pýgachevanyń Altyn juldyzy» syilyǵyn tabys etildi, dep habarlaidy QazAqparat.
Alla Pýgacheva kezdesýge tórt finalist - Erjan Maksim, Robert Bagratian, Nino Chesner jáne Anastasiia Ivanovany shaqyrdy. Kezdesýden estelikterdi joba tálimgerleriniń biri Svetlana Loboda Instagramdaǵy paraqshasynda jariialap, Alla Pýgachevaǵa balalardy qoldaǵany úshin alǵys aitty.
«Alla Pýgachevanyń Altyn juldyzy» syilyǵy - 2005 jyldan bastap jyl saiynǵy jas talantty ánshilerge, mýzykanttarǵa beriledi.
Esterińizge sala keteiik, oraldyq Maksim Erjan kórermenderdiń daýys berý nátijesi boiynsha, «Golos. Deti» jobysynyń finalynda ekinshi oryndy ielengen bolatyn. Erjan Maksim Valeriia Meladze komandasynyń atynan óner kórsetti. Finalda qazaqstandyq Erik Karmena All by Myself jáne Laranyń Fabian Adagio ánderin oryndady.
Baiqaýdy kórermenderdiń 56, 5% daýysyn jinaǵan reseilik tanymal ánshi Alsý men biznesmen Iana Abramovtyń qyzy Mikella Abramova jeńip aldy. Al Erjan Maksim 27,9% daýys jinady.
Buǵan deiin habarlanǵandai, qazaqstandyq jas oryndaýshylar Daneliia Tóleshova men Erjan Maksim búgin Qazaqstan halqy Assambleiasynyń XXVII sessiiasyna arnalǵan kontsertke qatysady.
Sonymen qatar, Resei Mýz-TV telearnasynyń bas direktory Arman Davletiarov «Golos. Deti» baiqaýynyń finalisi Erjan Maksimdi 7 maýsymda Máskeýde ótetin MÝZ-TV 2019 syilyǵyn tabys etý rásiminde óner kórsetýge shaqyrdy. Sondai-aq onda qazaqstandyq ánshi Dimash Qudaibergen de óner kórsetpek.
