Memleket basshysynyń Jarlyǵymen Erjan Sansyzbaiuly Qystafin Qazaqstan Respýblikasynyń Pákistan Islam Respýblikasyndaǵy Tótenshe jáne Ókiletti Elshisi laýazymyna taǵaiyndaldy.
Bul týraly Aqordanyń resmi saity habarlady.
1978 jyly 8 qazanda Qaraǵandy qalasynda dúniege kelgen. E.Bóketov atyndaǵy Qaraǵandy memlekettik ýniversitetin halyqaralyq zańger mamandyǵy boiynsha bitirgen. Eýropalyq halyqaralyq strategiialyq zertteýler institýtynyń (Briýssel q.) halyqaralyq qatynastar salasynda magistr dárejesine ie.
Eńbek jolyn 1999 jyly Nur-Sultan qalasy Ádilet basqarmasynyń sot pristavy laýazymynan bastady, ári qarai QR Qarjy ministrliginiń Zań qyzmeti departamentinde jumysyn jalǵastyrdy.
Óziniń diplomatiialyq mansabyn 2001 jyly QR SIM Halyqaralyq quqyq departamentiniń attashesi laýazymynan bastaǵan.
2002 jyldan 2005 jylǵa deiin QR SIM Apparaty Zań bóliminiń úshinshi hatshysy laýazymynan bólim bastyǵyna deiin kóterildi.
2005-2007 jyldary – Memlekettik til jáne zań saraptamasy basqarmasynyń bastyǵy.
2007 jyly Ákimshilik departamenti direktorynyń orynbasary bolyp taǵaiyndaldy, sodan keiin 2009 jyly departamentti basqardy.
2010-2015 jyldary Qazaqstannyń Belgiiadaǵy Elshiliginiń keńesshi-ýákili bolyp jumys istedi.
2016 jyldan 2019 jylǵa deiin QR SIM Ákimshilik jáne baqylaý departamentin basqardy.
Qazaqstannyń Pákistandaǵy Elshisi laýazymyna taǵaiyndalǵanǵa deiin 2019 jyldan bastap Qazaqstannyń AQSh-taǵy Elshiliginiń keńesshi-ýákili boldy.
II synypty Tótenshe jáne Ókiletti Ýákil diplomatiialyq dárejesine ie.
