Qazaqstan Respýblikasy Prezidentiniń halyqaralyq yntymaqtastyq jónindegi arnaýly ókili Erjan Qazyhan Bishkek qalasynda ótken «Eýropalyq Odaq – Ortalyq Aziia» ekonomikalyq forýmynyń jumysyna qatysty, dep habarlaidy Aqordanyń baspasóz qyzmeti.
Jiyn pandemiiadan keiingi damýdyń kelisilgen ekonomikalyq sharalardy, «jasyl ekonomika jáne energetikaǵa» kóshý, aimaq elderiniń Eýropalyq odaqpen saýda-ekonomikalyq yntymaqtastyqty nyǵaitý tásilderin, kóliktik-logistikalyq ózara bailanystardy, tsifrlandyrýdy, sondai-aq biznes ortany jaqsartý úshin quqyqtyq retteýlerdi jetildirýge arnalǵan alań bolyp tabylady.
Is-shara barysynda Erjan Qazyhan «Ekologiialyq teńgerimdi, turaqty, klimattyq jáne ekologiialyq beitarap ekonomikaǵa kóshýge» arnalǵan sessiiada sóz sóiledi. Memleket basshysynyń Arnaýly ókili óz sózinde elimizdiń óńirdegi klimattyq kún tártibin ilgeriletýdegi róline toqtalyp, Qazaqstannyń 2060 jylǵa qarai kómirtegi beitaraptyǵyna qol jetkizý jónindegi jospary jóninde aitty.
Forým aiasynda Erjan Qazyhan Aýstriianyń Eýropalyq jáne halyqaralyq ister ministri Mihael Linhartpen ekijaqty kezdesý ótkizdi. Kelissóz barysynda taraptar saiasi jáne saýda-ekonomikalyq yntymaqtastyqtyń qazirgi jaǵdaiy men perspektivalaryn, halyqaralyq kún tártibindegi ózekti máselelerdi, sonyń ishinde Aýǵanstandaǵy jaǵdaidy talqylady. Joǵary deńgeidegi saiasi dialogty jandandyrý týraly ýaǵdalastyqqa qol jetkizildi.
Erjan Qazyhan elderimiz arasyndaǵy diplomatiialyq qarym-qatynastardyń ornaǵanyna kelesi jyly 30 jyl tolatynyn atap ótip, Mihael Linhartty 2022 jyly Nur-Sultan qalasyna saparmen kelýge shaqyrdy.
