Jelide aralas jekpe-jekten qazaqstandyq faiter Erjan Estanov pen reseilik Rasýl Mirzaevtyń, Jalǵas Jumaǵulov - Taison Nem jekpe-jekteriniń videosy paida boldy, - dep habarlaidy Vesti.kz.
Qazaqstandyq sportshy Jalǵas Jumaǵulov reseilik Fight Nights Global promoýsheniniń aiasynda ótken keshtiń basty jekpe-jeginde amerikalyq Taison Nemdi tóreshiler sheshimi boiynsha utqan edi. Kezdesý 56,7 kelige deiingi kategoriiada ótti.
"Bul aýyr jekpe-jek boldy. Meniń qarsylasym myqtylyǵyn kórsetti. Alaida men ózimdi kórsetip, jeńiske laiyq ekenimdi dáleldedim. Men osy jeńisimdi halqyma jene elime arnaimyn. Jańa belesterdi baǵyndyrýǵa umtylamyn", - dedi Jumaǵulov.
Onyń qarsylasy tóreshiler sheshimine qarsylyq bildirýden bas tartyp, tek Jumaǵulovtyń ózin tańǵaldyrmaǵanyn aitty.
"Men óz biletinimdi kórsete almadym dep oilaimyn. Alaida Jumaǵulov meni tańǵaldyra almady. Ol jaqsy faiter, biraq men ony jeńýim kerek edi. Qalai bolǵanda maǵan sizderdiń arenadaǵy atmosfera unady. Qonaqjailyqtaryńyz úshin alǵysym sheksiz", - dedi Nem.
Aita keteiik, osy keshte qazaqstandyq Erjan Estanov pen Rasýl Mirzaev oktagonda úshinshi ret kezdesti, bul joly jekpe-jek "Almaty Arenada" ótti, munda reseilik Fight Nights Global promoýsheniniń aiasynda jekpe-jek keshi boldy.
"Negizinde men kópshilik aldynda jaqsy shoý kórsetkim kelgen jáne sondai jospar da boldy. Bapkerim osy kezdesýge jiti daiyndady, keńes berip, baǵyt berdi sol sebepti bul týraly meniń bapkerimnen bilgenińiz durys bolady. Erjanǵa alǵys bildirgim keledi, ol óte jaqsy sportshy. Men ony adam retinde dos retinde de qatty syilaimyn. Sportta biz qarsylaspyz, ómirde dospyz. Tek búgin baq meniń jaǵymda boldy. Ary qarai jyljimyz", - dedi Mirzaev. Suhbattyń tolyq nusqasyn myna jerden oqi alasyz.
Estanov pen Mirzaev eki ret jekpe-jekke shyqqan: 2013 jyldyń naýryzynda "Velikaia Bitva" aiasyndaǵy kezdesýde qazaqstandyq qazylar alqasynyń sheshimimen jeńilis tapsa, 2014 jyldyń qarashasynda "Dala jaýyngerleri" týrnirinde reseilik óz qarsylasy ekinshi raýndtan keiin kezdesýden bas tarqan soń jeńimpaz atanǵan. Osy joly da Mirzaev qazaqstandyqty qazylar alqasynyń sheshimi boiynsha jeńdi. Al taǵy bir qazaqstandyq Jalǵas Jumaǵulov amerikalyq Taison Nemdi jeńdi.
Qazaqstandyq qarsylasyn qazylar alqasynyń sheshimi boiynsha jeńip otyr. Kezdesý 56,7 kelige deiingi kategoriiada ótti.
