Foto: ©RIA Novosti
Premer-ministrdiń orynbasary - qarjy ministri Erulan Jamaýbaev Reseidegi saýda ókildigin jabý týraly sheshimdi túsindirdi, - dep habarlaidy Tengrinews.kz.
Vitse-premerdiń aitýynsha, Eýraziialyq ekonomikalyq komissiiadaǵy Qazaqstannyń ókildigi jetkilikti, Máskeýdegi máselelerdi, sonyń ishinde kásipkerlik qyzmetti de sheshe alatyn, barlyq salada quzyretti adamdar jumys isteidi.
"Bul týraly Saýda jáne integratsiia ministrliginen málimdeme boldy. Bizdiń Reseimen tyǵyz qarym-qatynasymyz týraly sóz bolǵanda, Eýraziialyq ekonomikalyq komissiia bar ekenin bildirdi. Onda Qazaqstannyń ókildigi jetkilikti, barlyq baǵyt boiynsha, sonyń ishinde kásipkerlik qyzmet boiynsha óte quzyretti adamdar bar, olar Máskeýde bolǵandyqtan bul máselelerdi jaba alady", - dedi Erulan Jamaýbaev Senattyń qýlýarynda.
Sondai-aq, ol Máskeýde Qazaqstan elshiligi, túrli memlekettik qurylymdardyń belgili ókilderi bar ekenin atap ótti.
"Sondyqtan másele tek memlekettik qyzmet kórsetý qurylymdaryn ońtailandyrýǵa qatysty. Sonymen qatar, bul máselemen ainalysatyn bólimsheler dál sondai mańyzdy basqa máselelerdi sheshýge bólinýi múmkin", - dep túiindedi premer-ministrdiń orynbasary.
