Elordada «Habar» agenttiginiń jańa telemaýsymy tanystyryldy, dep habarlaidy "Ult aqparat".
«Jańa maýsymda agenttik 11 jańa serial usynady. Onyń úsheýi - «Qalamger», «Bekzat» jáne «Batyrlar joly» tolyqmetarjdy film retinde el kinoteatrlarynan kórsetiledi. Osy jeksenbide nazarlaryńyzǵa «Central Asia`s Got Talent» aýqymdy halyqaralyq shoýy kórsetiledi. Onda Qazaqstan, Qyrǵyzstan, Ózbekstan jáne Tájikstan ókilderi óner kórsetedi. Sonymen birge, kópshiliktiń kóńilinen shyqqan «Topjarǵan» shoýynyń ekinshi maýsymyn bastaimyz», - dedi «Habar agenttigi» AQ Basqarma tóraǵasy Erlan Bekhojin «Qazmedia» ortalyǵynda ótken tusaýkeserde.
Onyń aitýynsha, jańa maýsymda «Habar» jańalyqtar berý tásilin ózgertedi jáne ótkir taqyryptardy kóteredi.
«Jańa maýsymda jańalyqtar berý tásili ótkirlep, saraptamalar tereńdei túsedi. Biz qala, aýdan, oblys turǵyndaryna óz ákimderin baǵalaý múmkindigin beremiz. Mundai baǵdarlamalar kóp bolady. Elimizdiń belgili tulǵasy Ermuhambet Ertisbaev júrgizetin jańa saiasi tok-shoý da qyzyǵýshylyq týdyrady. Agenttik Eýropalyq habar taratý odaǵynyń múshesi bolǵandyqtan, Qazaqstan Balalar Eurovision baiqaýynyń qatysýshysy atandy. Elimizdiń namysyn biyl Erjan Maksim qorǵaidy», - dedi Agenttik tóraǵasy.
Sondai-aq, «Habar» jańa telejúrgizýshilerdi tabý maqsatynda Live formatynda jalpyrespýlikalyq kasting júrgizedi. Tilek bildirýshiler áleýmettik jelide ózderin kórsetýi tiis.
Eske sala ketsek, QR Prezidenti Teleradio kesheniniń bas direktory bolǵan Erlan Bekhojin tamyz aiynda «Habar» Agenttigi» AQ Basqarma tóraǵasy bolyp taǵaiyndalǵan edi. «Habar» Agenttigi quramynda respýblikalyq «Habar» men «Habar 24», «Kazakh TV» jáne «EL ARNA» telearnalary bar.
