Ermuhamet Ertisbaev 2013 jyldan bastap Qazaqstanda turmaidy. Ol tórt jyl Grýziiada, sosyn Belorýssiiada elshi bolǵan. Alaida diplomat taiaýda ǵana qyzmetinen bosatyldy. Endi otanyna oralýdy kózdep otyrǵan burynǵy elshi eldegi sońǵy saiasi jańalyqtarǵa qatysty pikir bildirdi, - dep habarlaidy Tengrinews.kz saityna silteme jasaǵan KAZ.NUR.KZ.
Ertisbaev ońtústik astanany qazirgi ýaqytta respýblikadaǵy "eń saiasattandyrylǵan" qala dep atap, burynǵy premer-ministr Baqytjan Saǵyntaevtyń Almaty ákimi bolýyna qatysty óz oiyn aitty.
"Bul eldegi eń jaýapty jáne mańyzdy jumys aimaǵynyń biri. Aqyr sońynda, máńgilik eshteńe joq", - dedi eks-elshi.
Sondai-aq, ońtústik astanany múldem ózgertken burynǵy ákim Baýyrjan Baibekti kreativti, jigerli, órshil jigit dep atady.
"Qazir meniń tanystarymnyń bári "Almaty óte keremet boldy, eńbek demalysyn ótkizý úshin eshqandai shetelge ketkiń kelmeidi" dep aityp jatyr.
Barlyq sheteldikter Almatyǵa tánti bolýda, Saǵyntaev ta súiikti Almatymyzdyń damý men qaita ózgerý baǵytyn jalǵastyratynyna senimdimin.
Aitpaqshy, eger astana Nur-Sultan dep defis arqyly jazylsa, múmkin, barshamyzǵa súiikti ári baiyrǵy Alma-Ata ataýyn qaitaratyn kez kelgen shyǵar?", - dep usyndy Ertisbaev.
