11 maýsym kúni ortalyq jaǵajaida 24 jastaǵy sheteldik azamat sýǵa batyp ketti, máiit oqiǵa ornynan 11 shaqyrym jerde sýdan shyǵaryldy, dep habarlaidy QazAqparat.
«14 maýsym saǵat 17.42 kezinde oqiǵa ornynan 11 shaqyrym jerdegi Ertis ózeniniń Jelpaq aǵysy mańynda qutqarýshylar er adamnyń denesin taýyp, ony Ertistiń sol jaǵalaýyna jetkizdi. Máiit politsiia qyzmetkerlerine tapsyryldy», - dep habarlady Pavlodar oblysy tótenshe jaǵdailar departamentiniń baspasóz qyzmeti.
Osylaisha, qutqarýshylar 11 maýsymda Pavlodar qalasynyń ortalyq jaǵajaiynda sýǵa batyp ketken 24 jastaǵy Qytai azamatynyń denesin tapty.
Jedel-qutqarý jasaǵynyń qyzmetkerleri ony 14 maýsym kúni saǵat 08.50-de izdep bastaǵan.
Sýǵa batyp ketken azamatty izdeýge 6 qutqarýshy, 1 qaiyq pen 1 mashina qatysty.
