11 ماۋسىم كٷنٸ ورتالىق جاعاجايدا 24 جاستاعى شەتەلدٸك ازامات سۋعا باتىپ كەتتٸ, مەيٸت وقيعا ورنىنان 11 شاقىرىم جەردە سۋدان شىعارىلدى, دەپ حابارلايدى قازاقپارات.
«14 ماۋسىم ساعات 17.42 كەزٸندە وقيعا ورنىنان 11 شاقىرىم جەردەگٸ ەرتٸس ٶزەنٸنٸڭ جەلپاق اعىسى ماڭىندا قۇتقارۋشىلار ەر ادامنىڭ دەنەسٸن تاۋىپ, ونى ەرتٸستٸڭ سول جاعالاۋىنا جەتكٸزدٸ. مەيٸت پوليتسييا قىزمەتكەرلەرٸنە تاپسىرىلدى», - دەپ حابارلادى پاۆلودار وبلىسى تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
وسىلايشا, قۇتقارۋشىلار 11 ماۋسىمدا پاۆلودار قالاسىنىڭ ورتالىق جاعاجايىندا سۋعا باتىپ كەتكەن 24 جاستاعى قىتاي ازاماتىنىڭ دەنەسٸن تاپتى.
جەدەل-قۇتقارۋ جاساعىنىڭ قىزمەتكەرلەرٸ ونى 14 ماۋسىم كٷنٸ ساعات 08.50-دە ٸزدەپ باستاعان.
سۋعا باتىپ كەتكەن ازاماتتى ٸزدەۋگە 6 قۇتقارۋشى, 1 قايىق پەن 1 ماشينا قاتىستى.
