Foto: pexels.com
WhatsApp qoldanýshylary "erteńnen bastap" messendjerde fotosýretter men videolardy jiberý qaýipti bolatyny týraly habarlamamen taratyp jatyr. Olardyń bárinde virýs bolatyny aitylady. Bul týraly IIM habarlamasynan belgili bolǵany da aitylǵan.
Habarlamada DAISh terroristik uiymynyń ókilderinen qońyraýlar kelip túsedi delingen. Stopfake.kz bul eki jańalyq ta feik ekenin habarlady.
"Eki feik te eski jáne biz olardy saitymyzda joqqa shyǵarǵan bolatynbyz", - deidi faktchekerler.
Messendjerlerde fotosýretter men videolar arqyly taralatyn virýstar týraly jalǵan aqparat alǵash ret 2022 jyldyń qyrkúieginde shyqty. Ol qazir taratylyp jatqan aqparatqa usqaidy. Ony QR Ishki ister ministrligi joqqa shyǵardy.
«IIM-niń kompiýterler men telefondardy isten shyǵaratyn ashyq hattar men videolar arqyly virýstardy taratatyn hakerlerdiń áreketteri týraly aitylǵan aqparat shyndyqqa sáikes kelmeidi jáne feik bolyp tabylady, – dep habarlady vedomstvonyń baspasóz qyzmeti.
Habarlamanyń ekinshi bóliginde DAISh terroristik uiymymen bailanysty belgisiz bireýlerden kelip túsetin qońyraýlar týraly eskertilgen. Paidalanýshy qaita habarlasqan jaǵdaida, onyń telefonynan bailanys nómirleri men bank kartalary týraly aqparat kóshiriledi. Bul qaýeset 2 jyldan astam ýaqyttan beri taratylyp keledi. Ol alǵash ret Qaznette 2022 jyldyń qańtarynda jariialanǵan.
Sonymen qatar beitanys nómirlerden kelip túsken qońyraýlardan abai bolý kerek. Bul alaiaqtardyń isi. Factcheck.tj portalynda wangiri alaiaqtyq shemasy egjei-tegjeili sipattalǵan. Telefonǵa qońyraý soǵylady. Al adam telefondy kótergende, bailanys úziledi. Eger qaita qońyraý shalsańyz, bul halyqaralyq qońyraý bolyp sanalady jáne kiberqylmyskerler odan aqsha tabady.
