«Nur Otan» partiiasynyń kezekti XVIII sezi qarsańynda memlekettik qyzmettiń jańa formatyn qalyptastyrýǵa arnalǵan paneldik sessiia ótti, dep xabarlaidy QazAqparat tilshisi.
Sessiia kezinde óńirlerden kelgen delegattar baspana máselesin kóterdi. Atap aitqanda, páter kezeginde turǵan azamattardy baspanamen qamtamasyz etýge qatysty suraqtar qoiyldy. QR Indýstriia jáne infraqurylymdyq damý vitse-ministri Qaiyrbek Óskenbaevtyń aitýynsha, erteńgi sezde baspana máselesin sheshýge qatysty birqatar jańalyqtar aitylady.
«Erteń sezde de osy másele kóteriledi. Sol kezde jaqsy xabar estisizder. Qansha qarajat bólinip, qansha adamnyń baspana máselesi sheshiletini aitylady», - dedi Q.Óskenbaev memlekettik qyzmettiń jańa formatyn qalyptastyrýǵa arnalǵan paneldik sessiiada.
Tilshi vitse-ministrden jaǵymdy jańalyqqa qatysty aqparatpen bólisýdi surady. Alaida Q.Óskenbaev: «Prezidenttiń ózi aitady», - dep qysqa ǵana qaiyrdy.
Aita keteiik, QR Indýstriia jáne infraqurylymdyq damý ministrligi barlyq qazaqstandyqtardy baspanamen qamtýǵa qajetti qarajattyń somasyn jariialady.
«487 myń adamnyń máselesi birjola sheshýge, dál qazir 4 trillion 887 milliard teńge kerek bolyp tur. Onyń infraqurylymy 20 paiyz. Sonda kezekti turǵan azamattardyń baspana máselesin birden sheshý úshin respýblikalyq nemese jergilikti biýdjetten 6 trillion teńgedei aqshany qazir qolma-qol jumsaý qajet», - deidi Q.Óskenbaev.
