Kim kóringendi elge kirgize berińder. Olar oilaryna kelgen ýaǵyz-nasihatyn emin-erkin júrgize bersin. Internette saittary sairai bersin. Ol jetpegendei sektanttardy ońaltý jumystaryna aralastyraiyq. Jylyna 40-50 stýdent jat aǵymnyń taǵylymyn úirenip kelip elde taratý úshin Mədina qalasyndaǵy Islam ýniversitetine emin-erkin túse bersin. Elde júrgen ýaǵyzshylary kafelerde, pəterlerde sabaqtaryn júrgize bersin. Osy aitylǵandardyń aitylǵandardyń aldyn alýda, tyiym salýda QMDB-daqandai əleýet bar? Sonda da atalmysh problemalardy sheshý joldarynyń tetikteri qoldarynda bolǵandar kinəli bolmaidy da, ornyna QMDB kinəli bola ma?
Bas múftidi Kirillmen salystyrypty.
Kirill Resei prezidenti qatysatyn jiyndarda birinshi qatardyń qaq ortasynda jarqyrap otyrady. Gainýddindermen 20-30 qatarlarda otyrmaidy. Bizdiń elde Qazaqstan halqynyń 70-75 paiyzy ustanatyn ata dinimizdiń ókili, Bas múfti elimizde erýshileriniń sany eki myńǵa jetpeitin din ókilderimen bir qatarda artta otyrady. QMDB-ǵa Orys pravoslav shirkeýine berilgen airyqsha quqyqtardyń onnan biri de berilmegen. Quqyq berý bylai tursyn meshit elektr qýatyna tólemaqyny tórt-bes kúnge keshiktirip alsa, kelip qiyp ketedi. Sodan keiin kelip Kirillmen salystyrady. Birden Rim papasymen salystyra salmadyńdar ma?!
QMDB imamdary usynatyn eldegi dini problemalardy sheshý joldaryn anaǵan qaishy keledi, mynaǵan qaishy keledi dep qabyldamasańdar. Osylarǵa ne kerek ekenin túsine almai qoidym. Əlde, məsele — el basyna kún týǵanda «krainii» izdeý ǵana ma?
