QR Din isteri jáne azamattyq qoǵam ministri Nurlan Ermekbaev Batys Qazaqstan oblysyna jumys saparymen bardy. Ministr Oral qalasynda «Din jáne ulttyq tarih» taqyrybyndaǵy respýblikalyq ǵylymi-praktikalyq konferentsiiaǵa qatysty.
Konferentsiianyń ashylýynda sóilegen sózinde Nurlan Ermekbaev dindi ustanýshylardyń toleranttylyq qaǵidasyn ustanýy jáne radikaldandyrýdyń aldyn alýdyń mańyzdylyǵyn atap ótti
«Dinshildik pen radikalizmniń arasyndaǵy aiyrmashylyqty qarapaiym sózben aitsaq, din jolynda júretin adam- óziniń qudaiǵa degen senimin júreginiń túbinde ustap, tek qana igilikti ister jasaýǵa umtylady. Jáne ondai adamdar eshkimdi din jolyna kúshtep túsirýge árettenbeidi. Al, onyń ustanyp otyrǵan dini jolyna qyzyǵýshylyq tanytqandarǵa atalǵan tulǵa ashyqtyq tanytyp, qoldan kelgen kómegin aiamaidy. Mine, durys dini joldy ustanǵan adamdar osyndai áreketterimen erekshelenedi» - dep, atap ótti Din isteri jáne azamattyq qoǵam ministri.
«Eger basqalarǵa senimińdi májbúrlep tańyp, kánálap, minez-qulqyń «durys emes» dep aiyptasań, tozaqqa barasyń dep qorqytyp, «kápir» siiaqty sózderdi qoldansań- bul radikalizmniń belgileri. Qudaiǵa sený - árbir adamnyń jeke isi. Ózge adamdardy dini joralardy tolyǵymen oryndamaǵany úshin nemese senbegeni úshin aiyptap, jazǵyrýǵa bolmaidy»- dedi ministr Nurlan Ermekbaev.
Ministr óz baiandamasynda Qazaqstannyń aýmaǵynda dinniń paida bolýy týraly baiandap, sonymen qatar elimizdiń tarihyn, ulttyq jáne rýhani dástúrlerin bilý jáne qurmetteý kerektigin.atap.ótti.
Aita keterligi, ǵylymi-tájiribelik konferentsiiany Batys Qazaqstan oblysynyń ákimdigi uiymdastyryp otyr. Konferentsiia atalǵan oblystyń ákimi Altai Kólginov, Qazaqstan musylmandary dini basqarmasynyń ókilderi, otandyq sarapshylar, teologtar men dintanýshylar qatysty.
