Alaýyzdyqty qozdyrdy degen kúdikke ilinip, sottalǵan Ermek Narymbaev Almaty áýejaiynda ustaldy, dep habarlady qalalyq prokýratýra.
Prokýratýra málimetinshe, Narymbaev Almaty áýejaiynda Kievten kelgen boida ustalǵan.
"Ol izdeýde júrgen bolatyn. Narymbaev Qylmystyq kodekstiń 174-bap "Áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý" boiynsha sottalǵan. Sot úkimin oryndaý maqsatynda Ermek Narymbaev tergeý izoliatoryna qamaýǵa alyndy", - delingen resmi habarlamada.
Esterińizge sala keteiik, Ermek Narymbaev osydan jeti jylǵa jýyq buryn, 2015 jyldyń 12 qazanynda ustalǵan. Oǵan áleýmettik jelide ulttyq ar-namysty qorlaý, ultarazdyqty qozdyrý baǵytyndaǵy aqparat taratty degen aiyp taǵylǵan bolatyn.
