Arshaly jáne Tselinograd aýdandaryndaǵy 20 eldi mekende gaz taratý jelisiniń qurylysy bastaldy.
Bul týraly búgin Aqmola oblysynyń ákimi Ermek Marjyqpaev «2019 jyldyń áleýmettik–ekonomikalyq damý qorytyndysy jáne 2020 jyldyń negizgi mindetteri týraly» halyq aldyndaǵy esep berý kezdesýinde aitty, dep habarlaidy "Ult aqparat".
Kezdesýde aimaq basshysy óńirde gaz tartý jáne jylýmen jabdyqtaýdy jańǵyrtý máselelerine toqtaldy.
«Qyzylorda - Nur-Sultan» baǵyty boiynsha «Sary-Arqa» magistraldy gaz qubyry qurylysynyń birinshi kezeńi sheńberinde elordanyń irgesindegi Arshaly jáne Tselinograd aýdandaryndaǵy 20 eldi mekende gaz taratý jelisiniń qurylysy bastaldy. Joba júzege asyrylǵan kezde 50 myń adam kógildir otynǵa qol jetkizedi.
«Búgingi kúni 9 joba boiynsha memlekettik saraptama alynsa, 4 jobanyń saraptamasy osy aqpan aiynda daiyn bolady», - dedi E.Marjyqpaev.
