Ishki ister ministri Erlan Turǵymbaev AQSh-tyń Qazaqstandaǵy ókiletti elshisi Ýiliam Mozermen kezdesti, dep habarlaidy "Ult aqparat" IIM baspasóz qyzmetine silteme jasap.
Taraptar mamandardy daiarlaý salasyndaǵy ózara is-qimyldyń joǵary deńgeiin atap ótti. Jańa qaýip-qaterlerge, internet-alaiaqtyqqa jáne esirtkiniń zańsyz ainalymyna qarsy is-qimyldaǵy yntymaqtastyq máseleleri talqylandy. Sonymen qatar, vedomstvo basshysy amerikalyq tarapqa ishki ister organdaryn reformalaý salasynda qabyldanyp jatqan sharalar, sonyń ishinde penitentsiarlyq júieni jańǵyrtý týraly aityp berdi.
Ýiliam Mozer Qazaqstan IIM-niń adam saýdasyna qarsy kúres jáne adam quqyqtaryn saqtaý salasyndaǵy oń jetistikterin atap ótti. Sondai-aq, taraptar Esirtkini baqylaý jáne quqyqtyq tártipti qamtamasyz etý salasyndaǵy ózara túsinistik týraly úkimetaralyq memorandýmdy iske asyrýdyń qorytyndylaryn shyǵardy. Kezdesýde memorandýmnyń qosymsha hattamasyna qol qoiyldy, onda kiberqylmyspen, esirtki biznesimen jáne alaiaqtyqpen kúres salasyndaǵy ózara is-qimyldy keńeitý kózdelgen.
Kezdesý sońynda taraptar qylmysqa qarsy kúres salasyndaǵy jemisti yntymaqtastyqty odan ári damytýǵa senim bildirdi.
