"Qunanbai" ulttyq kino. Bul film əli baǵasyn alady. Ótken jyly Eýraziia festivalinde meniń balam jiýrilerge aýdarmashy boldy. Sondaǵy barlyǵynyń bitin salyp kórgeni "Qunanbai" bolypty.
Kinoǵa syrtynan syn aitý ońai. Al túsirý qiyn. Onyń ishinde ulttyq kino túsirý. Sebebi qazaq ózgerip ketken. Kino salasy múlde orystanǵan. Akterlerdiń miyn estrada jep qoiǵan, keibireýleri dinmen ýlanǵan. Shəken Aimanov zamanynda qazaqtyń isi bar edi. Kazirgi adamdardan qazaqtyń isin tappaisyń. Orystyń qolańsa isi, arabtyń kúlimsi isi shyǵady pendelerden. Sarttyń isi de mol shyǵady, əsirese fanershikter jaǵynan...
Kinoda tipti bóten iis mol. Bir aktrisaǵa "Ǵaiyp eren qyryq shilten" degen sózdi aitqyza almai bir kún júrdim. Ómiri estimegen sózim deidi. Bylai qarasań qazaqy ortada ósken əiel. Qyryqqa deiingi akterlerde "ń" joq. "Ń"-y joq akterdiń dymy joq. "Ń" qazaqy iistiń birinshi kózi. Júrgenov akademiiasy ń-y bar talapkerlerdi qulatyp, ylǵi ń-y joq saqaýlardy qabyldaityn siiaqty Akademiiaǵa. Jas akterler Nurtas, atyn umyttym, "bol janymda" dep zarlap jatatyn əigili fanershikterdi pir tutady. Solardyń ənsymaqtaryn tyńdap júredi. Myna túrlerińmen akter bola almaisyńdar desem, renjidi.
Ulttyq mýzykaǵa barlyǵy nól. Akterdi ulttyq akter etetin ulttyq mýzyka, ulttyq klassika. Al endi Əmirege kelsek, ol kino bolmaidy. Men bul filmdi toqtataiyq dep qudaidyń zaryn qyldym, joǵaryǵa. Biraq meni eshkim tyńdamady. Əli "Qunanbaimen" jylap kórisesiń.
Erlan Tóleýtaidyń jazbasynan
