Erlan Sydyqov L.N. Gýmilev atyndaǵy Eýraziia ulttyq ýniversitetiniń rektory bolyp qaita taǵaiyndaldy, dep habarlaidy "Ult aqparat".
QR Bilim jáne ǵylym ministrliginiń habarlaýynsha, «L.N. Gýmilev atyndaǵy Eýraziia ulttyq ýniversiteti» kommertsiialyq emes aktsionerlik qoǵamynyń Direktorlar keńesi Basqarma tóraǵasy - rektor laýazymyna úmitker retinde konkýrsqa qatysqan bes azamat ázirlegen ýniversitetti damytý boiynsha baǵdarlamalaryn qarastyrdy.
Daýys berý nátijesinde Respýblikalyq komissiianyń qaraýyna Sáýle Kóshkenqyzy Amandyqova men Erlan Battashuly Sydyqovtyń kandidatýralary usynyldy.
Premer-Ministrdiń orynbasary Eraly Toǵjanov tóraǵalyq etken Respýblikalyq komissiia Direktorlar keńesi usynǵan úmitkerlermen áńgimelesý ótkizip, «L. N. Gýmilev atyndaǵy EUÝ» kommertsiialyq emes aktsionerlik qoǵamynyń Basqarma tóraǵasy - rektory laýazymyna Erlan Battashuly Sydyqovty tańdady.
Aita keteiik, JOO Direktorlar keńesiniń quramyna táýelsiz direktor retinde Murat Ábenov, Qanat Nurov, Álihan Báimenov, Daniiar Áshimbaev, Aleksandr Van De Pýtt jáne basqa da azamattar kiredi.
Sydyqov Erlan Battashuly 1956 jylǵy 29 aqpanda Semei qalasynda dúniege kelgen.
1978 jyly «Tarih» mamandyǵy boiynsha S.M. Kirov atyndaǵy Qazaq memlekettik ýniversitetin, 1984 jyly S.M. Kirov atyndaǵy Qazaq memlekettik ýniversitetiniń aspirantýrasyn támamdady.
1996-1999 jj.– QR UǴA tarih jáne etnologiia institýty.
2002-2004 – Qazaq gýmanitarlyq zań ýniversiteti, mamandyǵy – «Iýrisprýdentsiia».
Jambyl tehnologiialyq et jáne sýt ónerkásibi institýtynyń Semei qalalyq filialynyń stajer-zertteýshisi, KOKP tarihy jáne saiasi ekonomiia kafedrasynyń dotsenti, saiasi tarih kafedrasynyń meńgerýshisi, Jambyl tehnologiialyq et jáne sýt ónerkásibi institýtynyń Semei qalalyq filialynyń kommertsiialyq jáne oqý-tárbie jumysy boiynsha prorektory, Qazaqstan Respýblikasy Úkimeti apparatynyń memlekettik qyzmet jáne kadr jumysy bóliminiń keńesshisi, Semei pedagogikalyq institýtynyń rektory, Shákárim atyndaǵy Semei memlekettik ýniversitetiniń rektory bolyp jumys istedi.
2011 jyldan bastap L.N.Gýmilev atyndaǵy Eýraziia ulttyq ýniversitetiniń rektory.
Tarihi ǵylymdardyń doktory, professor.
QR Ulttyq ǵylym akademiiasynyń akademik-múshesi, vitse-prezidenti (2014). «Qazaqstannyń eńbek sińirgen qairatkeri» (2005). Shyǵys Qazaqstan oblysynyń qurmetti azamaty (2009), Shyǵys Qazaqstan oblysy Abai aýdanynyń qurmetti azamaty (2011).
