.jpg)
Foto: Parlament Májilisi saitynan
Depýtat Erlan Sairov áielderge qamqorlyq jasaý kerek degen másele kóterdi dep habarlaidy "Ult Aqparat".
"Elimizde bala týǵannan keiin beriletin járdemaqy bar. Onyń mólsheri 1-3 balaǵa 140 teńge, tórt, odan kóp balaǵa 232 myń teńgeni quraidy. Biraq, shynyna kelsek, bul áielge ótemaqy emes, balanyń kútimine beriletin soma. Al, Reseidiń ana kapitalynyń somasy birinshi balaǵa 639-myń rýbl, 3 mln 195 myń teńge, ekinshi balaǵa 883-myń rýbl 7-mln teńgege teń. Bizdiń ótemaqymen salystyrýǵa kele me? Árine joq", -dedi E.Sairov sársenbide ótken májilis otyrysynda.
Májilismen Qazaqstanda demografiiany damytý úshin ana kapitalyn jasaqtaýdy usyndy.
"Ana bala kótergende, qursaqta balanyń qalyptasýyna kaltsidi kóptep jumsap, óziniń tisinen aiyrylatyny meditsinalyq fakt.
Kóp balaly atanǵan 543-myń áieldiń barlyǵynyń basynda bar zor problema ol tistiń túsýi. Qazaqstandaǵy stomotologiianyń baǵasynyń kúiip turǵanyn bárimiz jaqsy bilemiz! Sondyqtan, birinshi kezekte kóp balaly analarǵa tisin jóndeý úshin bir rettik qarjylyq tólem qalyptastyrý qajet. Bala tapqan áielderdiń densaýlyǵyn qalypqa keltirip, ustap otyrýdyń memlekettik standarttary qajet", -dedi depýtat.
