Ózimizdiń tolaǵai tarihymyzdy túletý - óte ózekti. Áleýmettanýshy ári saiasattanýshy, QR Kásipodaqtar federatsiiasy tóraǵasynyń orynbasary Erlan Sairov Elbasynyń «Uly dalanyń jeti qyry» atty maqalasyna orai osylai pikir bildirdi, dep habarlaidy "Ult aqparat".
«Kóńilge qonymdy. Ózińniń tarihyńmen maqtanyp qana qoimai, sol tarihtyń qyr-syrlaryn saraptap, ǵylymi negizde bolashaqqa baǵdar jasaý óte ózekti. Biz jahandaný zamanyna ózimizdiń túp tamyrymyzben, sol tamyrymyzdy tereńdete otyryp enýimiz kerek. Osy turǵyda, ózimizdiń tolaǵai tarihymyzdy túletý kún tártibinde jáne asa mańyzdy. Otarlaý kezeńinde, bizdi, qazaqtardy, tarihy bolmaǵan, bolmysy, bet-álpeti joq, dalany kezip júrgen halyq retinde kórsetý áreketteri boldy. Biz sol júieli áreketterdiń kesirinen ózimizdiń tarihymyzdan airylyp qaldyq, tarihty esimizge alǵymyz kelmedi, "tarihtan sharshaý" sindromyna iliktik... "Halyqty qurtqyń kelse, onyń tarihyn qurtý kerek, tarihyn bilmegen halyq tobyrǵa ainalady" degen aspekt bar. Biz osynaý "máńgúrttik" zamandy da basymyzdan ótkerdik... Jahandaný protsesteri ulttyń ótkeni men ótkergenin basqasha kózqaraspen saraptai otyryp, bolashaqqa baǵdar jasaýdy talap etedi...», - dep jazdy ol óziniń Feisbýktaǵy paraqshasynda.
Bul turǵyda sarapshy Uly Dala keńistigindegi jobalardy el igiligine paidalaný kerektigin atap ótti.
«Jahandaný árqashan bolǵan... Halyqtardyń Uly kóshi, Altyn Orda, Deli sultanaty - bári de Uly dalanyń stsenariimen bolǵan jahandanýdyń jobalary... Osy tarihi jobalardyń jetistikterin áli kúnge deiin batys ielenip, paidalanyp keledi... Atty qolǵa úiretý, úzeńgi, metallýrgiia, altyn óńdeý tehnologiialary bizdiń qasietti jerde paida bolǵan... Osy jait batys tarihnamasynda jabýly qazan bolyp tur. Ǵylymi-tehnikalyq progresstiń tarihshysy Linn Ýait "Úzeńgini jasaý - adamzat tarihynda ushaq, avtomobildi jasaýmen teń revoliýtsiia jasady" deidi. Bizge tarih arqyly ózimizdiń bolashaǵymyzǵa jol salý qajet...», - dedi Erlan Sairov.
