QR Ekologiia, geologiia jáne tabiǵi resýrstar vitse-ministri Erlan Nysanbaev Shyǵys Qazaqstan oblysynyń Marqakól qoryǵyndaǵy zańsyzdyqtar týraly aitty, dep habarlaidy QazAqparat.
«Memleket basshysynyń belgi berýi boiynsha prokýratýra jáne ózge de memlekettik organdar birlesken tekserý júrgizgen bolatyn. Qazir onyń nátijesi qolymyzda. Inspektorlar tarapynan birneshe adam Marqakól qoryǵynda zańsyz balyq aýlady dep kúdiktelip otyr... Marqakólde bul birinshi ret tirkelip otyrǵan jait. Ázirge ol týraly pikir aitqym kelmeidi. Onda ne bolyp jatqanyn jaýapty memlekettik organdar anyqtaýda. Atalmysh sý qoimasyn qorǵaýǵa jergilikti atqarýshy organ bekitilgen. Sondyqtan, tekserýlerdiń qorytyndysyn kúteiik», - dedi vitse-ministr búgin Ortalyq kommýnikatsiialar qyzmetinde ótken brifingte.
Eske salsaq, Memleket basshysy Qasym-Jomart Toqaev Shyǵys Qazaqstan oblysynyń Marqakól kólinde zańsyz balyq aýlap júrgen qylmystyq toppen kúresýdi tapsyrǵan bolatyn.
Osydan keiin QR Ishki ister ministrligi Marqakóldegi zańsyzdyqtar boiynsha arnaiy operatsiia ótkizdi. Qylmystyq top ustalyp, qamaýǵa alyndy.
