قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەرلان نىسانباەۆ شىعىس قازاقستان وبلىسىنىڭ مارقاكٶل قورىعىنداعى زاڭسىزدىقتار تۋرالى ايتتى, دەپ حابارلايدى قازاقپارات.
«مەملەكەت باسشىسىنىڭ بەلگٸ بەرۋٸ بويىنشا پروكۋراتۋرا جەنە ٶزگە دە مەملەكەتتٸك ورگاندار بٸرلەسكەن تەكسەرۋ جٷرگٸزگەن بولاتىن. قازٸر ونىڭ نەتيجەسٸ قولىمىزدا. ينسپەكتورلار تاراپىنان بٸرنەشە ادام مارقاكٶل قورىعىندا زاڭسىز بالىق اۋلادى دەپ كٷدٸكتەلٸپ وتىر... مارقاكٶلدە بۇل بٸرٸنشٸ رەت تٸركەلٸپ وتىرعان جايت. ەزٸرگە ول تۋرالى پٸكٸر ايتقىم كەلمەيدٸ. وندا نە بولىپ جاتقانىن جاۋاپتى مەملەكەتتٸك ورگاندار انىقتاۋدا. اتالمىش سۋ قويماسىن قورعاۋعا جەرگٸلٸكتٸ اتقارۋشى ورگان بەكٸتٸلگەن. سوندىقتان, تەكسەرۋلەردٸڭ قورىتىندىسىن كٷتەيٸك», - دەدٸ ۆيتسە-مينيستر بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە.
ەسكە سالساق, مەملەكەت باسشىسى قاسىم-جومارت توقاەۆ شىعىس قازاقستان وبلىسىنىڭ مارقاكٶل كٶلٸندە زاڭسىز بالىق اۋلاپ جٷرگەن قىلمىستىق توپپەن كٷرەسۋدٸ تاپسىرعان بولاتىن.
وسىدان كەيٸن قر ٸشكٸ ٸستەر مينيسترلٸگٸ مارقاكٶلدەگٸ زاڭسىزدىقتار بويىنشا ارنايى وپەراتسييا ٶتكٸزدٸ. قىلمىستىق توپ ۇستالىپ, قاماۋعا الىندى.
