Foto: Instagram.com
Tanymal ánshi, mýzykant Erlan Kókeevtiń ekinshi qyzy turmysqa shyqty, dep habarlaidy Ult.kz.
Óner iesi qýanyshty jańalyǵyn áleýmettik jelide bólisip, qyzdarynyń aǵaiyndy baýyrlarǵa turmysqa shyqqanyn ázilmen jetkizdi.
«Qos quda degen kim? Bir otbasynyń eki qyzy eki aǵaiyndy baýyrǵa turmysqa shyqqanda aitylatyn sóz. Meniń jaǵdaiymda dál solai boldy. Eki qyzym eki aǵaiyndy inilerge turmysqa shyqty. Sol sebepti meniń qudam — Ánýar. Ony keide ázildep "qos espresso" nemese "stereo quda" dep ataimyn», — dep jazdy Kókeev.
Buǵan deiin ánshiniń ózi qyzynyń uzatylýyna orai jyly jazba arnaǵan edi.
"Qyz uzatý…
Jaqynda ekinshi qyzymdy uzattym.
Syrttai qarasań — qýanysh, shattyq, kúlki.
Al ishimde — bári aralasyp ketken.
Ashy men tátti, sýyq pen jyly, kúlki men kóz jasy birge…
Bul sezim — qýanysh pen muńnyń toǵysy.
Sirá, ata-ana bolýdyń máni de osy shyǵar —
súiý… jáne ýaqyt kelgende uiasynan ushyra bilý.
Baqytty bol, qyzym.
Jańa shańyraǵyńda jylýlyq, kúlki jáne shynaiy mahabbat ornasyn", - dep tilek bildirdi ánshi áke.
