Qazaqstan Respýblikasy Úkimetiniń qaýlysymen Erlan Ańsaǵanuly Qiiasov bergen ótinishine sáikes QR Densaýlyq saqtaý vitse-ministri — QR Bas memlekettik sanitarlyq dárigeri qyzmetinen bosatyldy. Bul týraly QR Premer-Ministriniń baspasóz qyzmetinen málim etti, dep habarlaidy "Ult aqparat".
Erlan Qiiasov 1973 jyly Almaty oblysynda dúniege kelgen.
Qazaq memlekettik meditsina ýniversitetin, Ortalyq Aziia ýniversitetin, Ál-Farabi atyndaǵy Qazaq ulttyq ýniversitetin, Turan-Astana ýniversitetin támamdaǵan.
Eńbek jolyn 1990 jyly «Almaty qalasynyń Jedel meditsinalyq járdem aýrýhanasy» reanimatsiia jáne qarqyndy terapiia bólimshesiniń sanitary bolyp bastady.
1997-1999 jyldary — Almaty qalasyndaǵy QR áýe kóligindegi ortalyq sanitarlyq-epidemiologiialyq stantsiiasynyń sanitarlyq dárigeri, dáriger-epidemiology.
1999 jyldan bastap 2020 jylǵa deiin QR Prezidenti Is Basqarmasynyń Meditsinalyq ortalyǵynyń qurylymynda — Sanitarlyq-epidemiologiialyq stantsiiada jalpy gigiena boiynsha sanitarlyq dáriger, jedel bólim meńgerýshisi, Sanepidqadaǵalaý basqarmasynyń epidemiologiialyq bóliminiń bastyǵy, «Sanitarlyq-epidemiologiialyq saraptama ortalyǵy» RMK direktory, basshynyń orynbasary bolyp jumys istedi.
2020 jylǵy qyrkúiekte QR densaýlyq saqtaý vitse-ministri – QR Bas memlekettik sanitarlyq dárigeri bolyp taǵaiyndaldy.
