QR Prezidentiniń keńesshisi Erlan Qarin Ulttyq keńestiń jumysy týraly aqparat berip otyratyn Youtube-kanal ashty, dep habarlaidy "Ult aqparat".
Kanaldyń alǵashqy baǵdarlamasynda Erlan Qarin «Ulttyq keńes qalai jáne qashan quryldy? Onyń quramy qalai anyqtaldy? Ulttyq keńestiń mańyzy nede?» degen siiaqty suraqtarǵa tolyqqandy jaýap beredi.
«Birqatar áleýmettik jelilerden Ulttyq keńestiń kúndelikti jumysy týraly áńgimeleitin paraqshalar ashylǵan. Degenmen bizge áli de kóp suraqtar qoiylyp jatyr. Mysaly «Ulttyq keńes múshelerine jalaqy tólene me?» degen suraq qoiyldy. Jáne «ol Parlamenttiń jumysyn qaitalamai ma?» degen másele de jelide qyzý talqylandy. Sondyqtan biz Ulttyq keńestiń jumysy, qazirgi baǵyty týraly jan-jaqty málimet berýdi jón kórdik», - deidi Erlan Qarin.
