QR Aqparat jáne qoǵamdyq damý vitse-ministri Nurgúl Maýberlinova jańa Basqarma Tóraǵasy Erlan Bekhojindi «Habar» Agenttigi» AQ ujymyna tanystyrdy, dep habarlaidy "Ult aqparat" ministrliktiń baspasóz qyzmetine silteme jasap.
Ujym aldynda sóz sóilegen Nurgúl Maýberlinova Alan Ájibaevqa jemisti jumysy men kásibiligi úshin alǵys bildirdi jáne jańa jumysynda sáttilik tiledi.
Erlan Qalijanuly BEKHOJIN 1963 jyly 6 mamyrda dúniege keldi.
Shymkent qalasynda týǵan. Qazaq memlekettik ýniversitetin, Ortalyq Aziia ýniversitetin bitirgen. 1994-1997 jyldary - «Habar» agenttigi aqparattyq baǵdarlamasynyń júrgizýshisi, «Jeti kún» aqparattyq baǵdarlamasynyń avtory ári júrgizýshisi. 1998-2003 jyldary - Qazaqstan Respýblikasyndaǵy «Mir» halyqaralyq teleradiokompaniiasynyń direktory. 2003-2009 jyldary «Liter-Media» JShS bas direktory, «Liter» jáne «Aiqyn» gazetteri redaktsiialyq keńesteriniń tóraǵasy. 2009 jylǵy aqpannan QR Prezidenti Teleradiokesheniniń bas direktory boldy. «Bas redaktorlar klýbynyń» prezidenti.
«Qurmet» ordenimen marapattalǵan. «Jyldyń úzdik jýrnalisi» nominatsiiasynda «Altyn juldyz» syilyǵynyń laýreaty (1996). Resei jýrnalister odaǵynyń (1997) jáne Qazaqstan jýrnalister odaǵy (2000) syilyqtarynyń laýreaty. BAQ salasyndaǵy QR Prezidenti syilyǵynyń laýreaty (2008).
