Niý-Delide (Úndistan) ótetin erkin kúresten Aziia chempionatynda el namysyn qorǵaityn balýandarymyzdyń esimderi belgili boldy, dep jazady "Ult aqparat".
QR Ulttyq olimpiadalyq komiteti habarlaǵandai, «Saryqurlyq» dodasy 18-23 aqpan aralyǵynda ótedi.
Erkin kúresten Aziia chempionatyna 10 salmaq sanaty boiynsha ár salmaqtan bir-bir balýannan qatysady.
Atap aitar bolsa, 57 keli salmaqta Nurislam Sanaev, 61 kelide Nurbolat Abdýaliev, 65 keli salmaqta Dáýlet Niiazbekov el namysyn qorǵaidy. 70 kelide Meiirjan Áshirov synǵa tússe, 74 keli salmaqta Daniiar Qaisanovqa, 79 kelide Ǵalymjan Óserbaevqa senim artamyz.
Al 86 kelide Azamat Dáýletbekov, 92 kelide Ilizhan Chilaev, 97 keli salmaqta Álisher Erǵali synǵa túsedi. Sonymen qatar 125 keli salmaqta Iýsýp Batyrmýrzaev el namysyn qorǵaidy.
