Erkin kúresten Nur-Sultandaǵy álem chempionatyna qatysatyn balýandardyń esimderi belgili boldy, dep habarlaidy "Ult aqparat".
QR Ulttyq olimpiadalyq komitet habarlaǵandai, komandany tolyq jasaqtaý úshin birneshe salmaqtaǵy balýandar arasynda qosymsha beldesýler ótkizilgen. Naqtylap aitar bolsaq, bapkerler keńesi 65, 86, 92 jáne 125 kg úzdik balýandy anyqtaý úshin qosymsha beldesýler uiymdastyrdy.
65 kelide Dáýlet Niiazbekov pen Saiatbek Oqasov kúresip, tájiribeli Dáýlet jeńiske jetip, atalǵan salmaqta álem chempionatynada el namysyn qorǵamaq.
Sondai-aq, 86 kelidegi Ádilet Dáýlembaev pen Azamat Dáýletbekov arasyndaǵy beldesýdiń jeńimpazy bolyp Ádilet Dáýlembaev tanyldy. 92 kelidegi Eraly Ábdirashev pen Nurǵali Nurǵaiypulynyń arasyndaǵy kezdesý sońǵysynyń jeńisimen aiaqtalsa, 125 kelide Oleg Boltin Iýsýf Batyrmurzaevtan basym tústi.
Osylaisha, álem chempionatyna qatysatyn balýandar tolyǵymen belgili boldy.
Erkin kúresten litsenziialyq álem chempionatyna qatysatyn Qazaqstan quramasynyń tizimi:
57 keli: Nurislam Sanaev
61 keli: Rasýl Qaliev
65 keli: Dáýlet Niiazbekov
70 keli: Nurǵoja Qaipanov
74 keli: Daniiar Qaisanov
79 keli: Ǵalymjan Óserbaev
86 keli: Ádilet Dáýlembaev
92 keli: Nurǵali Nurǵaiypuly
97 keli: Álisher Erǵali
125 keli: Oleg Boltin
Aita keteiik, kúres kúres túrlerinen (grek-rim, erkin jáne áielder kúresi) álem chempionaty aldaǵy 14-22 qyrkúiek aralyǵynda elordadaǵy «Barys Arena» muz saraiynda ótedi. Bul týrnir Japoniia astanasynda ótetin Tokio-2020 Olimpiadasyna alǵashqy irikteý saiysy bolmaq.
Álem chempionatynda Olimpiadalyq oiyndarǵa joldama alý úshin elimizge júzge tarta elden myńǵa jýyq balýan keledi dep josparlanǵan.
