Elorda tórinde kúres túrlerinen ótip jatqan litsenziialyq Álem chempionatynda búgin qazaqstandyq erkin kúres sheberleri jarysty sátti bastady, dep habarlaidy "Ult aqparat".
Erkin kúresten erler arasyndaǵy 65 keli salmaq dárejesinde úsh dúrkin Aziia chempionatynyń jeńimpazy qazaqstandyq Dáýlet Niiazbekov alǵashqy beldesýinde taipeilik qarsylasyn 10:0 esebimen utty.
Sondai-aq, erkin kúresten 57 kelide beldesken taǵy bir otandasymyz Nurislam Sanaev ta alǵashqy beldesýin jeńispen bastady. Ol birinshi beldesýinde moldovalyq Anatolii Býriannan 11:0 esebimen ailasyn asyryp, kelesi ainalymǵa ótti.
Al áielder kúresinen búgin 68 kelidegi Irina Kaziýlina alǵashqy beldesýinde taipeilik sportshydan basym tústi. Ókinishke qarai, quramadaǵy jas balýandarymyzdyń biri 65 kelidegi Aina Temirtasova jarys jolynan shyǵyp qaldy. Ol jubanysh beldesýinde bolgariialyq qarsylasynan 1:6 esebimen utyldy.
Elordamyzda ótip jatqan Álem chempionatyn «Qazsport» telearnasy tikelei efirde kórsetýde.
Aita keteiik, búgin áielder kúresinen 62, 68 keli, erkin kúresten 57, 65 keli salmaq dárejelerindegi finalister anyqtalady. Sondai-aq, áielder kúresinen 57, 59, 65 jáne 76 kelidegi jeńimpazdar men júldegerler belgili bolady.
