Erkin kúresten Dáýlet Niiazbekov Qazaqstannyń 8 dúrkin chempiony atandy, dep habarlaidy "Ult aqparat".
Esterińizge sala ketelik, keshe kúres túrlerinen el birinshiligi bastaldy. Jarystyń alǵashqy kúni, 20 qarashada 57, 61, 86 salmaqta chempiondar anyqtaldy.
Búgin, 65, 70 jáne 97 kelige deiingi salmaqtaǵy balýandar boz kilemge shyqty.
Qyzylorda oblysynyń atynan synǵa túsken Dáýlet Niiazbekov 65 kelide qarsylas shaq keltirgen joq. Ol finalda qaraǵandylyq Ádil Ospanovty jeńdi. Osylaisha Dáýlet elimizdiń 8 dúrkin chempiony atandy.
Qola júlde jambyldyq Nursultan Sadyq pen Shyǵys Qazaqstannan kelgen Oljas Oljaqanovqa buiyrdy.
Atyraýlyq Talǵat Syrbaz 70 keli salmaqta el chempiony boldy, Ekinshi oryndy shymkenttik Nurjan Seiitjan alsa, úshinshi oryn Almaty oblysynyń balýany E.Táńirbergenov pen Soltústik Qazaqstannan kelgen S.Beisalovqa buiyrdy.
Al 97 kelide jambyldyq Álisher Erǵali altynnan alqa taqsa, kúmis júlde qaraǵandylyq Serik Bahythanovqa buiyrdy. Úzdik úshtikti Almaty oblysynyń balýany Abylai Sovet pen qyzylordalyq Bekzat Táji túiindedi.
Endi erkin kúres sheberleri 22 qarashada 74, 79, 92, 125 keli salmaqta synǵa túsedi.
Al áielder kúresinen 23 qarashada 10 qarashada júldeler sarapqa salynsa, grek-rim kúresiniń sheberleri 24-26 qarasha aralyǵynda toǵyz salmaqta júldege talasady.
