«Ýfa» fýtbol klýbynyń bas direktory Shamil Gazizov jaqynda bolýy múmkin komandadaǵy aýys-túiister týraly aitty, dep habarlaidy baq.kz.
Qazaqstan quramasynyń 18 jastaǵy shabýylshysy Erkebulan Seidahmet te «Ýfa» sapynda oinaidy. Bul maýsymda ol Resei Premer-Ligasynyń bir ǵana matchynda alańǵa shyqty.
«Qazaqstandyq jas shabýylshy Erkebulan Seidahmet oiynshy retinde ǵana qyzyqtyrmaidy, ol – juldyz. Ázirshe RPL-da ózin kórsete almai keledi. Eki oiynshyǵa qatysty italiialyq komandamen belgili bir kelissózder júrip jatyr, biraq olardyń aty-jónderin ataǵym kelmeidi. Qysta bizden tórt adam ketýi múmkin. Olardyń arasynda reseilikter de, legionerler de bar. Sonda da legionerlermen jumys istegim keledi. Biz jas sheteldik oiynshylardy basqa komandalardy qyzyqtyrýy úshin shaqyrdyq. Eger eýropalyq bolsa reseilikterge qaraǵanda olardy Eýropada satý ońai», - dedi Gazizov «Resei fýtboly» baǵdarlamasynyń efirinde.
Osyǵan deiin Erkebulan Seidahmet týraly almatylyq «Qairat» sapyna aýysady degen málimet taraǵan bolatyn.
