Qazaqstandyq shoý-biznes juldyzy Erke Esmahan aldaǵy ýaqytta Túrkiia elinen úi alýdy josparlap otyr. Óner iesi ózge áriptesterinen qalyspai, ózge memlekette baspanaly bolýǵa nietti dep jazady "Ult aqparat".
Erke Esmahan Instagram paraqshasynda el kútpegen málimdeme jasap, kópshilikti tańǵaldyrdy. Estrada juldyzy bolashaqta shetelden úi satyp alǵysy keletinin aitty.
Ol ónerdegi ózge áriptesteri sekildi Túrkiiadan jańa baspana alýǵa nietti bolyp shyqty.
"Sońǵy ýaqytta Túrkiiaǵa kóship jatqan qazaqtar sany kóbeidi. Bálkim, buǵan birneshe sebep bar shyǵar. Men de jurttan qalmai Túrkiiadan úi alýǵa niettimin. Biraq, birese alǵym keledi, birese ainyp qalam. Úi alý bolashaqqa investitsiia quiý dep bilem. Osy máselede sizder ne oilaisyzdar" , - dep jazdy Erke Esmahan.
Alaida, ánshiniń bul jazbasy keibir jeli qoldanýshylaryn alańdatyp qoidy. Óner iesiniń jankúierleri onyń shetelge kóship ketýi múmkin ekenin jazyp, ýaiymǵa salyndy.
Pikir bildirgender arasynda Erkeniń bolashaqqa degen jospary úshin qýanǵandar da boldy. Olar ártistiń bastamasyn qoldap, oǵan maqsatyna qol jetkizý úshin baryn salýǵa keńes berdi.
