Eriktiler uiymdarynyń qyzmetin qoldaýdy suraimyn. Ministrdiń mindetin atqarýshy Erbol Qarashókeev aimaqtyq qorlardy qurǵaqshylyqtan zardap shekkenderge qarajat jinaý men azyqtandyrý jumystaryn jandandyrýǵa kómektesýge shaqyrdy, - dep habarlaidy «Ult aqparat».
Onyń aitýynsha, kómek jetkizýdiń logistikasyn uiymdastyrý úshin aimaqtyq shtabtar jinalǵan resýrstardyń naqty kólemine ie bolýy kerek. Osylaisha ministr Mańǵystaý men Qyzylorda oblystaryna shóp jiberýdi jalǵastyratyn eriktilerdi qoldaýǵa shaqyrdy.
«Qazirgi ýaqytta eriktilerdiń eńbegi eren deýge bolady. Kez kelgen jaǵdaida eriktilerdiń kúshi kerek bolatyny ras. Eldegi qurǵaqshylyq kezinde de eriktilerdiń kómegine júginemiz dep oilaimyn. Sizderden óz bastamasy boiynsha zardap shekken aimaqtarǵa 150 pishendik vagon (Aral aýdanyna 15 vagon jáne Mańǵystaý oblysynan 135 vagon) jetkizip bergen jáne jetkizýdi ulǵaitýǵa nietti eriktiler uiymdarynyń qyzmetin qoldaýdy suraimyn. Eriktiler negizinen erlik jasap jatyr. Atap aitqanda, kólemi 2000 vagonǵa deiin járdem jiberýdi josparlaǵan. Qazirgi tańda eriktilerden bólek, kóptegen qarapaiym turǵyndar da, aimaq-aimaqtardan qoldarynan kelgenshe kómek jiberýge tyrysyp jatyr», - dedi Erbol Qarashókeev.
Sonymen qatar, ol volonterlerge uiymdastyrýshylyq, tehnikalyq jáne basqa da máselelerdi sheshýge jan -jaqty kómek kórsetý, bul jumysqa biznes -qaýymdastyqty tartý qajet ekenin atap ótti.
«Qazirgi ýaqytta kóp nárse eriktilerge bailanysty bolyp otyr. Byltyr eriktiler jyly dep jariialanǵanda da qazaqstandyq eriktiler qarap jatqan joq. Elimizde oryn alyp jatqan kez kelgen máselede birinshi bolyp bas kóteretin de eriktiler ekeni ras. Máselen, Arystaǵy jaǵdai bolǵan kezde de alǵashqylardyń biri bolyp qol jinap, kómegin usynǵan eriktiler boldy. Maqtaaraldy sý basqanda da qarapaiym turǵyndarǵa birinshi bolyp jetip, járdem bergen eriktiler ekenin ekiniń biri biledi dep oilaimyn. Qudai saqtasyn, keshegi Jambyl oblysyndaǵy jarylys kezinde de eriktiler kóp eńbek etti. Endi qurǵaqshylyqtan zardap shegip otyrǵan, maldary azaptanyp jatqan Qyzylorda, Mańǵystaý, Batys Qazaqstan oblystaryna da tonna tonna shóp jiberýdi josparlap otyrmyz», - eriktiler uiymynyń músheleri.
Aita keteiik, ótken jyly Qostanaida ótken Qazaqstan-Resei jastarynyń forýmynda «Ulttyq eriktiler jelisi» uiymynyń tóraiymy Vera Kim 2020 jyldy Eriktiler jyly dep jariialaýdy usyndy. Memleket basshysy Qasym-Jomart Toqaev bul usynysty qoldaitynyn atap ótken. Osylaisha, 2020 jyl Qazaqstanda Volonter jyly dep jariialanyp, Memleket basshysy qaýlyǵa qol qoiǵan bolatyn. Ol boiynsha Úkimetke Volonter jylyn ótkizý boiynsha qajetti sharalar qabyldaýdy tapsyrdy. Esterińizde bolsa, 2016 jyly 22 jeltoqsanda ótken Senat otyrysynda «Eriktiler qyzmeti týraly» Zań qabyldanǵan. Zańda kórsetilgendei eriktiler qyzmeti – jeke tulǵalarǵa, kásiporyn - kompaniialarǵa, áleýmettik toptarǵa kómek kórsetý, qorshaǵan ortany qorǵaý, azamattyq pozitsiiany qalyptastyrý, ózin-ózi uiymdastyrý, áleýmettik jaýapkershilik, ózara kómek kórsetý jáne qoǵamda qaiyrymdylyq jasaý. «Ulttyq eriktiler jelisi» jetekshisi Vera Kimniń aitýynsha, 19-baptan turatyn zańda volonter degenimiz kim, olardyń qyzmetin memlekettik turǵyda retteý, volonter jumysyn uiymdastyrý jáne Qazaqstan Respýblikasynyń volonterlik qyzmet týraly zańnamasyn buzǵany úshin jaýaptylyq syndy kóptegen mańyzdy dúnieler keltirilgen.
Al búgingi tańda elimizde bolyp jatqan eleýli oqiǵalardyń bárinde eriktilerdiń eńbegi eren bolyp otyr. Al qurǵaqshylyqqa bailanysty, belgili bolǵanyndai, tamyz aiynyń sońyna deiin úkimettiń rezervinen bólingen barlyq qarajat túpkilikti alýshylarǵa baǵyttalady. Jem -shóp daiyndaý qyzmetiniń bir túri - astyq azyǵynyń qoryn qurý. Bul turǵyda ákimdikterdiń saittaryna ornalastyrý arqyly balansty qurý jáne satýǵa arnalǵan kólemderdi anyqtaý qajet.
«Qurǵaqshylyqtan zardap shekken aimaqtardyń qajettilikterin eskere otyryp, biz jaqyn arada olardyń operatorlary arqyly osy aimaqtarǵa mal azyǵyn jetkizý kólemin jetkizemiz», - dedi Erbol Qarashókeev.
Esterińizge sala keteiik, ministrdiń mindetin Erbol Qarashókeev aimaqtyq qorlardy qurǵaqshylyqtan zardap shekkenderge qarajat jinaý men azyqtandyrý jumystaryn jandandyrýǵa kómektesýge shaqyryp, eriktiler uiymdarynyń qyzmetin qoldaýdy surady. Ministrdiń aitýynsha, kómek jetkizýdiń logistikasyn uiymdastyrý úshin aimaqtyq shtabtar jinalǵan resýrstardyń naqty kólemine ie bolýy kerek. Osylaisha ministr Mańǵystaý men Qyzylorda oblystaryna shóp jiberýdi jalǵastyratyn eriktilerdi qoldaýǵa shaqyrdy.
