Almaty qalasynda «Bolashaq» Qaýymdastyǵynyń uiytqy bolýymen «Jastar uiymdarynyń netvorkingi jáne tájiribe almasýy» jobasy bastaldy.
QR Aqparat jáne qoǵamdyq damý ministrliginiń qoldaýymen, «Azamattyq bastamalardy qoldaý ortalyǵy» KEAQ-nyń memlekettik granty sheńberinde uiymdastyrylǵan sharaǵa Shyǵys Qazaqstan jáne Almaty oblysynan 18-29 jas aralyǵyndaǵy 200-ge jýyq jas qatysty. Olar ÚEU men JRO arasyndaǵy ózara qarym-qatynas, turaqty damý men ÚEU tiimdiligin arttyrý máselelerin talqylady.
Sharanyń ashylý saltanatyna Almaty qalasy Qoǵamdyq damý basqarmasy basshysynyń orynbasary Rinat Baqbergenov, «Kazakhstan Trade Council» direktory Devid M. Valera, «Eriktiler ligasy» qoǵamdyq qory tóraiymy Aisulý Erniiazova, Narhoz ýniversitetiniń Halqaralyq yntymystyq bólimi basshysy, «Bolashaq» baǵdarlamasynyń túlegi Jailagúl Saǵyndyqova qatysyp, jastarǵa arnaiy seminarlar men master-klass ótkizdi.
Joba aiasynda «Eriktiler ligasy» qoǵamdyq qorynyń tóraiymy Aisulý Erniiazova «ÚEU men JAO ózara bailanys máseleleri» atty seminar uiymdastyrdy.
Seminar barysynda eriktiler jumysy men olardyń el damýyna qosqan úlesi sóz boldy. Sonymen qatar Aisulý jastarǵa ózi basqaratyn qoǵamdyq qordyń jumystary men alǵa qoiǵan josparlaryn da aityp berdi.
«Bolashaq» Qaýymdastyǵy bastama bolyp otyrǵan jiynǵa belsendi jastar jinalǵan eken. Is-sharada JOO-dan kelegen jáne ártúrli jas aiyrmashylyǵy bar eriktiler kóp boldy. Sondyqtan jastarmen ortaq til tabysý, pikir almasý qyzyqty ótti. Menińshe bul – naǵyz netvorking», - deidi «Eriktiler ligasy» qoǵamdyq qorynyń tóraiymy Aisulý Erniiazova.
Elimizdiń ár aimaǵynan jinalǵan jastardyń basym kópshiligi ózderine qyzyqty taqyryp aiasynda pikir almasyp, eriktiler jumysynda týyndaityn túrli máselelerdi talqyǵa saldy.
«Biz búgingi sharaǵa qatysqanymyzǵa qýanyshtymyz. Bul jerden ózimizge qajetti barlyq aqparattardy ala aldyq. Tájiribe almasý maqsatynda kelgen soń ár aimaqtan jinalǵan eriktilermen pikir almasyp, óz josaparlarymyzben de bólisip jatyrmyz», - deidi Súleimen Demirel atyndaǵy ýniversitettiń 3 kýrs stýdenti Aiman Bitabarova.
Netvorking sharasyna AQSh-tan arnaiy kelgen «Kazakhstan Trade Council» direktory Devid M.Valera sóz alyp, óz oiyn ortaǵa saldy. Ol jastar arasynda uiymdastyrylyp jatqan jobanyń nátijeli bolaryna senim bildirdi.
Elimizde eriktiler ardagerlerge, kóp balaly jáne az qamtylǵan otbasylarǵa, aimaqtardy qoqystan tazartý jumystaryna járdemdesip, túrli áleýmettik sharalarda kómek kórsetip keledi.
«Qazirgi tańda erikti jastar elimizde óte belsendi. Olardyń el úshin jasaityn jumystaryn joǵary baǵalaýǵa bolady. Biz – jastar bir-birimizge básekeles bolmaýymyz kerek. Kerisinshe dostyq qarym-qatynasta bolyp, tájiribe almasyp, el igiligine jaraityn is jasaýymyz qajet. Keler jyl Volonterler jyly dep jariialandy. Endi eriktiler aldaǵy ýaqytta óz belsendiligin arttyra túserine senimdimin», - deidi «Eriktiler ligasy» qoǵamdyq qorynyń tóraiymy Aisulý Erniiazova.
Onyń aitýynsha, netvorking – jastardyń birigip jumys jasaýyna, belsendi bolýyna, qoǵamnyń túrli salasyndaǵy taqyryptardy talqylyp, óz tájiribesin bólisýge arnalǵan úlken alań.
Almatyda jinalǵan belsendi jastar bolashaqta túrli jobalar atqaryp, jastar uiymdarynyń damýyna, eriktiler jumysynyń jandanýyna atsalyspaq. Bolashaqta jiynda aitylǵan keńester men jobalardy óz aimaǵynda iske asyryp, ózara tájiribe almasýǵa nietti.
Aita keteiik, «Jastar uiymdarynyń netvorkingi jáne tájiribe almasýy» jobasy Shymkent, Pavlodar qalalarynda jalǵasyn tabady. Atalmysh jobanyń nátijesi boiynsha, ÚEU men JRO-nyń eń úzdik qazaqstandyq tájiribesi negizinde arnaiy jinaq jaryq kóredi.
