Foto: Aqorda
Memleket basshysy Qasym-Jomart Toqaev Volonterler forýmynda sóz sóilep, eriktilik qyzmettiń qoǵam úshin mańyzyna toqtaldy. Prezidenttiń aitýynsha, volonter bolý – igi ister jasaý, ózgege úlgi kórsetý, týǵan jerge janashyr bolyp, elge adal qyzmet etý degen sóz, dep habarlaidy Ult.kz.
Forýmǵa elimizdiń túkpir-túkpirinen kelgen jastardy Memleket basshysy naǵyz otanshyl, jasampaz ári qamqor azamattar dep atap ótti. Prezident biyl búkil álem Halyqaralyq eriktiler jylyn atap ótip jatqanyn eske salyp, bul bastamany Qazaqstan alǵashqylardyń biri bolyp BUU minberinde kótergenin aitty.
– Eriktilerdi ozyq oily qoǵamnyń ainasy deýge bolady. Nieti túzý, jany taza adamdar osy joldy tańdap, qoǵam igiligi úshin aianbai eńbek etedi, – dedi Qasym-Jomart Toqaev.
Prezident pandemiia men tabiǵi apattar kezindegi volonterlerdiń janqiiarlyq eńbegine erekshe toqtaldy. Onyń aitýynsha, syn saǵattarda myńdaǵan erikti aldyńǵy shepte bolyp, dárigerlerge, qutqarýshylarǵa jáne muqtaj jandarǵa qoldaý kórsetti.
Sondai-aq Memleket basshysy elimizdegi volonterler qozǵalysynyń aýqymy keńeiip kele jatqanyn aitty. Qazirgi tańda Qazaqstanda eriktiler sany 300 myń adamǵa jetken. 2020 jyly bul kórsetkish nebári 50 myń bolǵan. Al qoǵamdyq paidaly ispen ainalysatyn uiymdardyń sany 800-den asqan.
Prezident ekologiia, bilim, mádeniet salalaryndaǵy «Jas aǵash», «Eko baqylaý», «Bilim volonterleri» siiaqty jobalardyń mańyzyn atap ótip, olarǵa 100 myńǵa jýyq erikti qatysqanyn jetkizdi.
Forým barysynda Qasym-Jomart Toqaev volonterdiń tsifrlyq pasportyn engizý týraly usynysty qoldaitynyn málimdedi. Onyń aitýynsha, eriktiler qozǵalysy da tsifrlandyrý men jańa tehnologiialardan tys qalmaýy kerek.
Kezdesý sońynda Memleket basshysy eriktiler forýmynda aitylǵan usynystardyń basym bóligin qoldaitynyn jáne eń tiimdi bastamalardy júzege asyrý boiynsha naqty tapsyrmalar beriletinin aitty.
