Qazaqstan Qarýly Kúshteri Bas shtaby Bailanys departamentiniń bastyǵy polkovnik Arman Qalijanov TMD-ǵa múshe memleketter qarýly kúshteri bailanys basshylarymen ótken Úilestirý komitetiniń kezekti otyrysyna qatysty, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Armeniia, Belarýs, Qazaqstan, Qyrǵyzstan, Resei jáne Tájikstan
qarýly kúshteri bailanys áskerleriniń basshylary birikken bailanys júiesin qurý, onyń jumys isteýi jáne damytý boiynsha oryndalǵan jáne josparlanǵan is-sharalardy, birlesken oqý-jattyǵýlardy ótkizý kezinde bailanysty uiymdastyrý erekshelikterin jáne basqa da uiymdastyrý máselelerin talqylady.
Otyrys qorytyndysynda Úilestirý komitetiniń aldaǵy bes jylǵa
arnalǵan jumys jospary qabyldandy. Sonymen qatar, TMD-ǵa múshe memleketter qarýly kúshteriniń bailanys toraptarymen kelesi jylǵa arnalǵan birlesken jattyǵýlar kestesi bekitilip, kezekti birlesken keńestiń bastapqy kún tártibi talqylandy.
