Erevandaǵy Nor-Nork ákimshilik aýdanynda ornalasqan politsiia bólimshesine qarýly adamdar basyp kirdi, dep habarlady TASS.
Oqiǵa ornyna politsiianyń qosymsha kúshteri, jedel járdem jáne tótenshe jaǵdailar qyzmeti, Armeniia politsiiasynyń arnaiy jasaǵy attandy. Alań qorshaýǵa alyndy.
TASS tilshisiniń habarlaýynsha, qolyna granataǵa uqsas zat ustaǵan belgisiz bireý Armeniia premer-ministri Nikol Pashiniannyń otstavkaǵa ketýin talap etip esik aldyna shyǵyp, qaitadan ǵimaratqa kirip ketken.
Armeniia IIM baspasóz hatshysy Narek Sarkisian bul aqparatty rastady.
Onyń aitýynsha, politsiia bólimshesine basyp kirgen úsheýdiń ekeýi granatanyń jarylýy saldarynan jaraqat alǵan.
"Shabýyl jasaǵan úsh adam boldy, olardyń ekeýi óz granatasynyń jarylýy saldarynan jaralandy. Bireýi áli stantsiiada. Ony zalalsyzdandyrý sharalary júrgizilip jatyr", dedi ol.
Aldyn ala málimet boiynsha, shabýyl saldarynan politsiia qyzmetkeriniń eshqaisysy zardap shekken joq.
Keiin Armeniia Ulttyq qaýipsizdik qyzmetiniń arnaiy jasaǵy shabýyldaýshyny ustady.
