Foto: áleýmettik jeliden alyndy
Qaraqiia aýdandyq soty 2023 jyldyń 11 jeltoqsanda bastalǵan "West Oil Software" JShS qyzmetkerleriniń ereýilin zańsyz dep tanydy, - dep habarlaidy kompaniianyń baspasóz qyzmeti.
"Ereýilge qatysýshylar ESOT júiesine sáikes jalaqyny teńestirý, kompaniiany «QazMunaiGaz «UK» AQ qurylymyna kirgizý jáne arnaiy tehnikalardy jańartý talaptaryn qoiǵan bolatyn. Alǵashqy eki talapty oryndaý múmkin emes. Bul rette ulttyq kompaniia úshinshi másele boiynsha talapty qanaǵattandyrýǵa daiyn jáne ázirlengen úsh jyldyq josparǵa sáikes tehnikany jańartý protsesin bastady.
Oryndalýy múmkin emes talaptardyń qoiylýy nátijesinde kompaniiaǵa kún saiyn materialdyq shyǵyn keltirilýde. Búgingi tańda ereýilge qatysýshylardyń zańsyz áreketiniń saldarynan kompaniiaǵa shamamen 499 mln. teńge zalal keltirilip otyr. Bul kompaniianyń qarjylyq jaǵdaiyna ǵana emes, ereýilge shyqqan jumysshylardyń otbasylyq biýdjetine de áser etedi.
Ereýil bastalǵannan beri osy ereýilge qatysýshylarǵa olardyń áreketteriniń zańsyzdyǵy týraly birneshe ret túsindirildi. Sonymen qatar arnaiy tehnikalardyń kezeń-kezeńimen jańartý jumystary bastalǵandyǵy jáne jumysqa shyǵý qajettiligi týraly habarlandy.
Kompaniianyń ereýilge shyqqan jumysshylarymen máseleni kelissózder ústelinde sheshýge shaqyrý áreketteri sátsiz aiaqtaldy. Jekelegen belsendiler mundai bastamalarǵa tosqaýyl qoiyp, ereýildi toqtatqysy keletinderge barlyq talaptar jaqyn arada bizdiń paidamyzǵa sheshiledi dep olardy jańylystyrý arqyly ustap otyr.
Alaida, olardyń úgit nasihatyna qaramastan, keibir jumysshylar zańsyz aktsiianyń paidasyzdyǵyn túsinip, odan bas tartty. 50-den astam adam óz jumys oryndaryna oraldy. Jaqyn arada jańylysqan adal jumysshylardyń kóp bóligi jumysqa shyǵady dep kútilýde.
Biz ereýildiń jekelegen kóshbasshylarynyń oilaryn, jeke qyzyǵýshylyǵy men áreketterin bilemiz. Osyǵan deiin jumystan shyǵarylǵan 7 belsendi úshinshi tulǵalardyń múddesi úshin "West Oil Software" JShS jumysyna keri áser etip, onyń ornyna basqa kompaniiany ákelýge tyrysýda" - delingen habarlamada.
"West Oil Software" JShS basshylyǵy 2024 jyldyń 12 qańtarynan bastap zańsyz ereýildiń jalǵasýyna túrtki bolǵan qyzmetkerlerdi jumystan shyǵarýǵa nietti. Bul rette Qaraqiia aýdanynyń mansaptyq ortalyǵynda jumyssyzdyq boiynsha esepte turǵan azamattardy bos oryndarǵa jumysqa qabyldaý josparlanýda.
"Eger mekememizdiń óz mindetterin oryndaýǵa kedergi keltiretin is-áreketter toqtatylmasa, kompaniia tergelip jatqan qylmystyq is sheńberinde jaýapqa tartý týraly máseleni sheshý úshin tiisti materialdardy quqyq qorǵaý organdaryna berýge májbúr bolatynyn eskertemiz.
Óz kezeginde, "West Oil Software" kompaniiasy árqashan óz ujymyna qamqorlyq jasaidy. Bizdiń jumysshylarymyzdyń jalaqysy basqa kólik kompaniialardyń jalaqylarynan orta eseppen alǵanda joǵary. Jumysshylardyń áleýmettik paketin jaqsartyp, jalaqyny kótere otyryp, kompaniia basshylyǵy kezdesý ótkizip júr.
Biz jumysshylardy "at basyndai altyn" beremiz dep ýáde etetin, ózimshil maqsattaryn kózdeitin arandatýshylarmen kelispeýge shaqyramyz. Biz parasatty bolýymyz kerek, otbasymyzdy adal eńbekpen asyrap, balalarǵa durys tárbie berýge múmkindik bergen kompaniiadaǵy turaqtylyqty baǵalaýymyz kerek" - delingen habarlamada.
