Elorda ákimi Altai Kólginov qala turǵyndaryn jeke máseleleri boiynsha qabyldady. Kezdesý barysynda jumysqa ornalasý, bilim jáne meditsinalyq kómek alý, turǵyn úi baǵdarlamalaryna qatysý jáne taǵy da basqa máseleler kóterildi, dep habarlaidy "Ult aqparat".
Máselen, turǵyndardyń biriniń aitýynsha, ol birneshe ai boiy balalardy ońaltýmen ainalysyp otyr. Ońaltýdaǵy tiimdi ádisterdiń biri basseindegi sabaqtar ekendigin, «balalar qulaýdan qoryqpai, jańa qozǵalys daǵdylaryn jyldam meńgere alatynyn» atap ótti.
Elorda ákimi Altai Kólginov bul baǵyttyń mańyzdylyǵy týraly aitty. «Biz erekshe qajettilikteri bar balalarǵa bilikti kómek kórsetýmen ainalysatyn úkimettik emes uiymdardyń ókilderimen, dárigerlermen, áleýmettik qyzmetkerlermen birneshe ret kezdestik. Usynystardy tyńdaimyz. Óz tarapymyzdan qajetti kómek kórsetemiz, basseinde ońaltý jattyǵýlaryn jasatatyn sabaqtarǵa qoldaý kórsetemiz. Erekshe qajettilikteri bar balalardy tárbielep otyrǵan ata-analarǵa qosymsha meditsinalyq kómek kórsetiledi», - dedi Nur-Sultan basshysy.
Qala ákimi azamattardy 5 aqpan kúni de qabyldaǵan bolatyn. Turǵyndardyń ótinishteri baqylaýǵa alyndy. 8 aqpan (senbi kúni) «Januia» otbasy institýtyn qoldaý ortalyǵynda «Ashyq ákimdik» formatynda ashyq esik kúni ótedi.
