Foto: EGOV.PRESS telegram/ skrinshot
Buǵan deiin erekshe balalardyń ata-analaryn óz jariialanymdarynda qorlaǵan bloger Gúlnár Orazalinanyń qatysýymen Qostanai qalasynda tóbeles bolǵanyn áleýmettik jelide jazyp jatyr, dep habarlaidy Ult.kz.
EGOV.PRESS telegram arnasynyń jazýynsha blogerdiń Qostanaidaǵy tóbelesi týraly oqyrmandar habarlaǵan.
"Oqyrmandar buryn erekshe balalardyń ata-analaryn kópshilik aldynda qorlaǵan bloger Gúlnár Orazalinanyń qatysýymen Qostanaida tóbeles bolǵanyn jazyp jatyr. Buzaqylyq baby boiynsha qylmystyq is qozǵaý qajet", - dep jazady arna.
Eske salaiyq, Instagram jelisinde Gulnara.blogger nikimen tanymal bloger Gúlnár Orazalina beine jazbalarynyń birinde Qazaqstanda ne sebepti aýrý balalar dúniege keletinin túsindirýge tyrysqan.
Bloger sebepterdiń biri retinde balanyń ata-anasynyń retsiz jynystyq qatynasqa túsýin ataǵan. Al Qaznettegi narazylyqtan keiin bloger óz kózqarasyn túsindiretin birneshe video jariialady. Aita keteiik, onyń sózderin kóptegen tanymal tulǵalar, sonyń ishinde ánshi Dilnaz Ahmadieva jáne basqa da infliýenserler synǵa aldy.
Habarlamada bloger kinásin ishinara moiyndaǵan, beiádep sózder qoldanǵanyn rastaǵanymen, balalardy qorlaý nieti bolmaǵanyn alǵa tartqany aitylǵan. 14 jasqa deiingi balalary bar áielderge ákimshilik qamaý jazasy qoldanylmaityny eskerilgen.
Astana soty Gúlnár Orazalinaǵa 20 AEK kóleminde aiyppul saldy.
