فوتو: EGOV.PRESS telegram/ سكرينشوت
بۇعان دەيٸن ەرەكشە بالالاردىڭ اتا-انالارىن ٶز جارييالانىمدارىندا قورلاعان بلوگەر گٷلنەر ورازالينانىڭ قاتىسۋىمەن قوستاناي قالاسىندا تٶبەلەس بولعانىن ەلەۋمەتتٸك جەلٸدە جازىپ جاتىر, دەپ حابارلايدى Ult.kz.
EGOV.PRESS telegram ارناسىنىڭ جازۋىنشا بلوگەردٸڭ قوستانايداعى تٶبەلەسٸ تۋرالى وقىرماندار حابارلاعان.
"وقىرماندار بۇرىن ەرەكشە بالالاردىڭ اتا-انالارىن كٶپشٸلٸك الدىندا قورلاعان بلوگەر گٷلنەر ورازالينانىڭ قاتىسۋىمەن قوستانايدا تٶبەلەس بولعانىن جازىپ جاتىر. بۇزاقىلىق بابى بويىنشا قىلمىستىق ٸس قوزعاۋ قاجەت", - دەپ جازادى ارنا.
ەسكە سالايىق, Instagram جەلٸسٸندە Gulnara.blogger نيكٸمەن تانىمال بلوگەر گٷلنەر ورازالينا بەينە جازبالارىنىڭ بٸرٸندە قازاقستاندا نە سەبەپتٸ اۋرۋ بالالار دٷنيەگە كەلەتٸنٸن تٷسٸندٸرۋگە تىرىسقان.
بلوگەر سەبەپتەردٸڭ بٸرٸ رەتٸندە بالانىڭ اتا-اناسىنىڭ رەتسٸز جىنىستىق قاتىناسقا تٷسۋٸن اتاعان. ال قازنەتتەگٸ نارازىلىقتان كەيٸن بلوگەر ٶز كٶزقاراسىن تٷسٸندٸرەتٸن بٸرنەشە ۆيدەو جارييالادى. ايتا كەتەيٸك, ونىڭ سٶزدەرٸن كٶپتەگەن تانىمال تۇلعالار, سونىڭ ٸشٸندە ەنشٸ ديلناز احماديەۆا جەنە باسقا دا ينفليۋەنسەرلەر سىنعا الدى.
حابارلامادا بلوگەر كٸنەسٸن ٸشٸنارا مويىنداعان, بەيەدەپ سٶزدەر قولدانعانىن راستاعانىمەن, بالالاردى قورلاۋ نيەتٸ بولماعانىن العا تارتقانى ايتىلعان. 14 جاسقا دەيٸنگٸ بالالارى بار ەيەلدەرگە ەكٸمشٸلٸك قاماۋ جازاسى قولدانىلمايتىنى ەسكەرٸلگەن.
استانا سوتى گٷلنەر ورازاليناعا 20 اەك كٶلەمٸندە ايىپپۇل سالدى.
