Ánshi Erdos Qanaev Saryaǵashta turǵan jaqyny Baǵlannyń qaitys bolǵanyn habarlady. Óner iesi marqumnyń kózi tirisinde ózine aitqan ótinishin eske alyp, amanatyn oryndaǵanyn jetkizdi, dep habarlaidy ult.kz.

Ánshiniń jazýynsha, Baǵlan sábii dúniege kelgende balasyna azan shaqyryp, at qoiýdy oǵan tapsyrǵysy kelgen.

"Saryaǵashta turatyn Baǵlan baýyrym (Alla raqym etsin) Rabbysyna qaitty. Osy kishkentai balapany ómirge kelgende: “Ereke, ózińiz azan aityp, atyn qoiyp beresiz ǵoi” degen edi. Qysqa ǵumyr-ai… Bákemniń amanatyn oryndadym", – dep jazdy ánshi.

Erdos Qanaev marqumnyń tilegin oryndap, sábiine azan shaqyryp esim bergen. Óner iesi jaqynyn qimastyqpen eske alyp, onyń ómirden erte ketkenine ókinish bildirdi.

Aita keteiik, Erdos Qanaev otbasylyq ómir týraly ázil aitty.

Erdos Qanaev kim? 
 

Erdos Qanaev - qazaqstandyq estrada ánshisi, «Jigitter» kvartetiniń múshesi. Ol kópshilikke osy ujymnyń quramynda óner kórsetýimen tanyldy. Toptyń tyńdarmanǵa keńinen tanylýyna «Erke qyz» áni yqpal etti. 2004 jyly atalǵan týyndyǵa kvartettiń alǵashqy beinebaiany túsirilgen.

Erdos Qanaev toptaǵy shyǵarmashylyǵymen qatar jeke ánder de oryndaidy. Onyń repertýarynda «Saǵynysh», «Bileshi» sekildi týyndylar bar. Ánshi suhbattarynda ónerge, sonyń ishinde aitysqa jastaiynan qyzyqqanyn aitqan.