Túrkiia prezidenti Rejep Taiyp Erdoǵan dúisenbide alǵashqy otandyq pilotsyz elektr avtobýsyn synaqtan ótkizdi, dep habarlaidy Anadolu agenttigi.
Karsan kompaniiasynyń pilotsyz elektrobýsy el prezidentiniń ákimshiligi kesheniniń aýmaǵynda tanystyryldy.
Qozǵalys barysynda múldem derlik dybysy bolmaityn avtobýstyń uzyndyǵy 8 metr.
Túrkiia basshysy jyl sońyna deiin uzyndyǵy 24 metrlik pilotsyz elektr avtobýsyn qurastyrý josparlanyp otyrǵanyn aitty.
«Túrkiia elektrobýstar naryǵynda laiyqty oryn alatynyna senimdimin. Jaqynda avtobýstardyń seriialyq óndirisi jolǵa qoiylady», - dedi Erdoǵan.
Sondai-aq otandyq pilotsyz elektr avtobýstaryn jappai óndirýdiń arqasynda Túrkiia álemdik avtomobil naryǵynyń osy segmentinde óz ornyn tabatynyn, al otandyq kompaniialar jahandyq brendterdiń qataryna qosylady degen úmitin bildirdi.
