- Túrkiia basshysy Redjep Taiyp Erdoǵan Resei prezidenti Vladimir Pýtinge telefon arqyly habarlasyp, Ankarada óltirilgen Elshi Andrei Karlovqa jasalǵan shabýyl jóninde aityp berdi.
Bul týraly R.Erdoǵannyń baspasóz hatshysy Ibragim Kalyn málim etti, dep habarlaidy Bi-Bi-Si CNN Turk telekompaniiasynyń "Tvitterdegi" resmi akkaýntyna silteme jasap.
Resei elshisi 19 jeltoqsan kúni Ankarada «Resei Kaliningradtan Kamchatkaǵa deiin» atty kórmeniń ashylýynda sóz sóileý barysynda atyp óltirildi.
Tapanshamen qarýlanǵan er adam elshige oq atqannan keiin «Allahý ákbar! Allepo týraly umytpańdar! Siriia týraly umytpańdar!», dep aiǵailaǵan.
Ankara meri Melik Gekchek «Tvitterdegi» óziniń jazbasynda, shabýyl jasaǵan er adam politsei bolǵanyn, al onyń qylmystyq áreketi 2016 jyldyń jazynda ǵana retke keltirilgen Resei men Túrkiia arasyndaǵy qarym-qatynasty qaita ýshyqtyrý bolyp tabylatynyn aitty.
RF SIM Andrei Karlovtyń óltirilgeni týraly aqparatty rastap, oryn alǵan jaǵdaidy lańkestik ekendigin aitty. Jáne bul máseleni BUU Qaýipsizdik keńesiniń talqysyna shyǵarýǵa ýáde etti.
Andrei Karlov Túrkiiadaǵy elshilik qyzmetine 2013 jyldyń 12 maýsymynda kirisken edi. Aita keteiik, sońǵy kezderi Túrkiiada Siriiadaǵy reseilik saiasatqa qarsy aktsiialar jii ótip turdy.
