Óńirler boiynsha infliatsiia eleýli sáikessizdikterdi kórsetýde. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy "Ult aqparat".
«Óńirler boiynsha infliatsiia eleýli sáikessizdikterdi kórsetýde. Máselen, Mańǵystaý oblysynda ol respýblikalyq deńgeiden 1,3 protsenttik tarmaqqa, Qaraǵandy oblysynda jáne Nur-Sultan qalasynda 0,4 protsenttik tarmaqqa asyp tústi», - dedi UB tóraǵasy.
Onyń aitýynsha, jalpy respýblika boiynsha 11,4 paiyz deńgeiinde bolǵanda 12 paiyzdan joǵary azyq-túlik infliatsiiasy Qaraǵandy, Atyraý, Pavlodar oblystarynda tirkeldi. Azyq-túlikke jatpaityn infliatsiia boiynsha elde 5,3 paiyz bolǵanda Mańǵystaý oblysy 6,9 paiyzben aldyńǵy qatarǵa shyqty.
«Jalpy respýblika boiynsha infliatsiia 4,1 paiyz bolǵan kezde 5 paiyzdan joǵary aqyly qyzmetter infliatsiiasy Mańǵystaý oblysynda, Nur-Sultan qalasynda, Aqtóbe oblysynda tirkeldi», - dedi Erbolat Dosaev.
