Ulttyq bank baǵa turaqtylyǵyn qamtamasyz etýge baǵyttalǵan saiasatty jalǵastyrady. Bul týraly Májilistiń jalpy otyrysynda Ulttyq bank tóraǵasy Erbolat Dosaev aitty, dep habarlaidy QazAqparat.
«Ulttyq bank ekonomikadaǵy suranystyń ósýine jaýap retinde dezinfliatsiialyq aqsha-kredit saiasatyn júrgizý aiasynda shildede jáne qyrkúiekte bazalyq stavkany 9%-dan 9,5%-ǵa deiin eki ret kóterdi. Suranys tarapynan infliatsiiaǵa qarsy qysym biylǵy 8 aida tutyný taýarlary importynyń 24%-ǵa ósýimen rastalady. Osy jaǵdailarda Ulttyq bank baǵa turaqtylyǵyn qamtamasyz etýge baǵyttalǵan saiasatty jalǵastyrady», - dedi E. Dosaev.
Onyń paiymynsha, Úkimettiń jáne ákimdikterdiń Infliatsiiaǵa qarsy den qoiý sharalarynyń keshenin tiimdi iske asyrýy biylǵy infliatsiiany tejeýge jáne Memleket basshysynyń tapsyrmasy boiynsha 2022 jyly 4-6% nysanaly dálizine kirýge múmkindik beredi.
2022-2026 jyldarǵa arnalǵan áleýmettik-ekonomikalyq damý boljamyna sáikes, infliatsiianyń budan keiin tómendeýi jáne 2023-2024 jyldary 4-5% jáne 2025-2026 jyldary 3-4% deńgeiinde turaqtanýy bolady.
«Bul úshin Úkimettiń qazirgi jedel sharalarymen qatar, ekonomikany odan ári ártaraptandyrý jáne onyń importqa táýeldiligin tómendetý boiynsha júieli jumysyn jandandyrý mańyzdy. Memleket basshysynyń tapsyrmasy boiynsha 2022 jyldan bastap engiziletin kontrtsikldyq biýdjet qaǵidasy memlekettik shyǵystardyń ósý qarqynyn shekteýge múmkindik beredi, sol arqyly memlekettik qarjynyń turaqtylyǵyn qamtamasyz etedi jáne infliatsiialyq qysymdy tómendetedi», - dedi UB basshysy.
