Elimizde gektaryna 9,5 tsentnerden astyq bastyrylýda. Bul týraly búgin Úkimet otyrysynda QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«AQSh Aýyl sharýashylyǵy ministrligi men Astyq jónindegi halyqaralyq keńestiń esebine sáikes, barlyq negizgi astyq óndirýshi elderde bidai óndirisiniń tómendeýi kútilýde. Máselen, Kanadada bidai jinaý ótken jylmen salystyrǵanda 34,5 paiyzǵa, Reseide 15 paiyzǵa, Amerikada 7 paiyzǵa tómendemek. Astyq jónindegi halyqaralyq keńestiń baǵalaýynsha, álemde bidai óndirý kólemi 781,7 mln tonnany quraidy», - dedi ministr.
Onyń atap ótýinshe, biyl elimizde dándi jáne maily daqyldardy jinaý alańy 18,9 mln gektardy qurady.
«Oblys ákimdikteriniń derekteri boiynsha ónimdilik gektaryna 9,5 tsentner bolǵanda dándi jáne maily daqyldardyń boljamdy jalpy túsimi shamamen 18 mln tonna bolady. Búginde shamamen 14,3 mln tonna dándi daqyl jáne 200 myń tonna maily daqyldar jinaldy. Bul rette oblystarda maqsary jinaý júrip jatqanyn, al barlyq maily daqyldardy jappai jinaýǵa osy aidyń sońynda kirisetindigin atap ótken jón»,- dedi Erbol Qarashókeev.
