Áskerde júrgen kezinde aýyr jaraqat alyp, keiin múgedek bolyp qalǵan Erbaian Muhtar qaitadan aýrýhanaǵa jetkizildi. Bul týraly áleýmettik jelide Ulpan Sovetbekqyzy habarlady, dep jazady ult.kz.
Onyń málimetinshe, Erbaian shuǵyl túrde Ulttyq shuǵyl meditsinany úilestirý ortalyǵynyń aýrýhanasyna jatqyzylǵan. Qazir ol jansaqtaý bóliminde jatyr.
"Resmi túrde málimdeimin: keshe Muhtar Erbaian shuǵyl túrde Ulttyq shuǵyl meditsinany úilestirý ortalyǵy aýrýhanasyna jatqyzyldy", – dep jazdy Ulpan Sovetbekqyzy.
Sondai-aq ol bul aqparatty Erbaiannyń ata-anasynyń ótinishimen jariialap otyrǵanyn aitty.
Ulpan Sovetbekqyzynyń sózinshe, Erbaiannyń ata-anasy ulynyń densaýlyq jaǵdaiyna qatysty tolyq ári naqty aqparat ala almai otyr.
"Erbaian jansaqtaý bóliminde jatyr, al ata-anasy onyń densaýlyǵyna qatysty qajetti málimetterdi tolyq ala almai otyr", – dedi ol.
