Búgin QR Premer-Ministriniń orynbasary Eraly Toǵjanov elordada «Binom School» júiesi boiynsha integratsiialanǵan orta bilim beretin innovatsiialyq mekteptiń ashylýyna qatysty, dep habarlaidy QazAqparat QR Úkimetiniń baspasóz qyzmetine silteme jasap.
Bul – halyqaralyq standarttarǵa sáikes keletin tegin oqytýdy usynatyn qazaqstandyq jalpy bilim berý protsesinde ozyq ádistemelerdi engizý boiynsha jańa brend.
Bilim ordasynyń ashylý saltanatyna memlekettik organdardyń ókilderi, Nur-Sultan qalasynyń basshylyǵy jáne investor – «BI Group» qurylys holdinginiń basshysy Aidyn Rahymbaev qatysty.
Aita ketý kerek, birinshi «BINOM» mektebi elordalyq oqýshylardy 1 qyrkúiekte qabyldady. Taǵy úsh nysan – Baitursynov kóshesi («SARYARQA»), «CAPITAL Park» («TANYM») TK jáne Jaǵalaý («TURAN») shaǵyn aýdanynda keler jyldyń úshinshi toqsanynan bastap óz jumysyn bastaidy.
Árbir oqý orny eki aýysymda oqityn 4 000 balaǵa eseptelgen. Osylaisha, «BINOM School» jelisiniń iske qosylýynyń arqasynda Nur-Sultannyń 16 myń oqýshysy jańa oqý oryndarymen qamtamasyz etiletin bolady.
Vitse-Premer E. Toǵjanov atap ótkendei, bul joba oqý oryndarynyń tapshylyǵyna bailanysty máselelerdi sheshý boiynsha óte mańyzdy áleýmettik-bilim berý fýnktsiiasyn atqarady.
«BINOM» jobasy úsh aýysymdy oqytý men apatty jaǵdaidaǵy mektepterdiń problemalyq máselelerin sheshýge baǵyttalǵan. Nur-Sultan qalasynda osyndai 6 nysannyń qurylysy esebinen 15 mekteptiń bala sany tyǵyzdyǵy máselesi sheshilýde. Eń bastysy munda halyqaralyq standarttarǵa sáikes keletin qýatty bilim berý bazasy bar», — dedi E. Toǵjanov.
Óz kezeginde Nur-Sultan qalasynyń ákimi elordany jalpy bilim beretin jańa uiymdarmen qamtamasyz etý josparlary týraly habarlady.
«Qalany damytýdyń keshendi jospary aiasynda 5 jyldyq kezeńge 70-ke jýyq mektep salý josparlanǵan. Oqý oryndary qalanyń barlyq aýdandarynda, sonyń ishinde turǵyn alaptarynda salynatyn bolady»,- dedi Altai Kólginov.
«BINOM School» formatyndaǵy mektepter memlekettik-jekeshelik áriptestik qaǵidattarynda búkil Qazaqstan boiynsha salynatyn bolady, dep atap ótti «BI Group» kompaniiasynyń direktorlar keńesiniń tóraǵasy A. Rahymbaev.
